16 Avqust 2022-ci il

Əsas Səhifə Webmail


XƏBƏRLƏR

11px13px15px17px
3/12/2021 3 dekabr Beynəlxalq əlilliyi olan şəxslər günü


Azərbaycan Respublikası Əlil Təşkilatları İttifaqı (ƏTİ) Finlandiya Xarici İşlər Nazirliyinin maliyyə dəstəyi, Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyi, Sahibkarlar (İşəgötürənlər) Təşkilatları Milli Konfederasiyasının təşkilati dəstəyi ilə dekabrın 3-də Əlilliyi olan Şəxslərin Beynəlxalq Günü münasibətilə “Hamı üçün layiqli iş – heç kim kənarda qalmasın” mövzusunda konfrans təşkil edib.

Konfrans Azərbaycan Əlil Təşkilatları İttifaqı (ƏTİ) “Universal Dizayn” Əlillik Adaptasiya Avadanlıqları MMC ilə əməkdaşlıqla Finlandiya Xarici İşlər Nazirliyinin maliyyə dəstəyi ilə Azərbaycanda əlilliyi olan şəxslər üçün bərabər məşğulluq imkanlarının və işəgötürən təşkilatlarda onlar üçün inklüziv iş mühitinin yaradılmasının təşviqinə dair “Hamı üçün layiqli iş” layihəsi əsasında keçirilir.

Əlil Təşkilatları İttifaqının prezidenti Davud Rəhimli 3 Dekabr - Beynəlxalq Əlilliyi olan Şəxslər Günü və layihə haqqında məlumat verib.

BMT-nin Azərbaycandakı əlaqələndiricisi Vladanka Andreyeva BMT-nin Azərbaycanda olan nümayəndəliklərinin əlillik sahəsində həyata keçirdikləri layihələr və hədəflər mövzusunda çıxış edib.

Finlandiyanın Cənubi Qafqaz üzrə səfiri Kirsti Narinen konfrans iştirakçılarını videomüraciətlə salamlayaraq görülmüş işlərə münasibət bildirib, Finlandiya hökumətinin Azərbaycanda dəstəklədiyi layihələr barədə məlumat verib.

“Əlilərin kvota üzrə iş yeri ilə təmin olunması uğurla həyata keçirilir. Təkcə bir faktı göstərmək kifayətdir ki, 2018-ci ildə 900-ə yaxın, 2019-cu ildə 2800, 2020-ci ildə 2900 nəfər işlə təmin olunmuşdusa, bu ilin 9 ayı ərzində 2700 əlilin məşğulluğu təmin edilib. İlin sonunadək bu rəqəm daha da artacaqdır”,- deyə konfransda çıxış edən Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədrinin müavini Cəmaləddin Quliyev bildirib. O, əlilliyi olan şəxslərin məşğulluğunun təmin olunması, özünüməşğulluq proqramları çərçivəsində görülən işlər barədə danışıb, bu sahədə müxtəlif beynəlxalq təşkilatlarla, eləcə də özəl şirkətlərlə əməkdaşlığın mövcudluğunu qeyd edib.

Azərbaycan Respublikası İnsan Hüquqları üzrə Müvəkkilinin (Ombudsman) Beynəlxalq təşkilatlar və vətəndaş cəmiyyəti institutları ilə əməkdaşlıq şöbəsi, əlilliyi olan şəxslərin hüquqlarının müdafiəsi sektorunun müdiri Aytən Tarverdiyeva əlilliyi olan şəxslərin məşğulluq hüquqları və Ombudsmanın əlilliyi olan şəxslər və onların ictimai birlikləri ilə əməkdaşlıq istiqamətləri haqqında tədbir iştirakçılarını məlumatlandırıb.

Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev sahibkarlıq subyektlərinin əlilliyi olan şəxslərin məşğulluğunun təmin olunmasındakı rolu və bu sahədəki uğurlar, eyni zamanda, bu sahədə olan problemlərin həlli yolları istiqamətində görülən işlər barədə danışıb.

Sonra əlilliyi olan şəxslərin əl işlərindən ibarət sərgiyə baxış keçirilib və müzakirələr aparılıb.

Tədbirin yekununda layihə çərçivəsində elan olunmuş ən yaxşı məqalə müsabiqəsinin qaliblərinə fəxri fərmanlar və pul mükafatları təqdim olunub. I yer Zarina Orucaliyeva, II yer Pərvanə Əliyeva, III yer İslam Əsgəroğlu, Fəal iştiraka görə Fərqanə Allahverdiqızı. Layihəyə verdikləri dəstəyə görə Təhsil Nazirliyinin Qəbələ Dövlət Peşə Təhsil Mərkəzinin direktoru Qalib Nəbiyev və Əlil Sahibkarlar Təşkilatı İctimai Birliyinin sədri Mirzə Məhəmməd Vəliyev, Əlil Təşkilatları İttifaqına verdikləri mütəmadi dəstəyə görə AZƏRTAC-ın aparıcı müxbiri Süleyman Qaradağlı, QHT.az saytının baş redaktoru Cəsarət Hüseynzadə fəxri fərmanlarla təltif olunublar.

  
 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 480 dəfə oxunub




Flag Counter






» 13/8/2022- Sosial Xidmətlər Agentliyi tərəfindən xidmət göstərilən 54 nəfər əlilliyi olan uşağın reabilitasiyası yekunlaşıb

» 13/8/2022- Ağalı kəndində ilk ailə təsərrüfatları yaradılıb

» 12/8/2022- 18 yaşınadək əlilliyi olan şəxslər üçün “Reabilitasiya avtobusu” fəaliyyət göstərir

» 9/8/2022- Azərbaycan və Moldova arasında sosial müdafiə sahəsində əməkdaşlıq genişlənir

» 9/8/2022- Sosial Xidmətlər Agentliyinin yeni Mərkəzində hər ay 40 nəfər uşağa reabilitasiya xidmətləri göstəriləcək

» 9/8/2022- QARABAĞ möhtəşəm qələbə!

» 9/8/2022- DOST Agentliyinin yaradılmasından 4 il ötür

» 8/8/2022- Birinci Qarabağ müharibəsi əlilləri birdəfəlik ödənişlərini əldə edirlər

» 6/8/2022- Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyinin bir qrup radikal dini dəstənin hücumu ilə əlaqədar Əlil Təşkilatları İttifaqının müraciəti

» 6/8/2022- “Şəhid və şəhid ailəsi statusu almış şəxslərin reyestrinin aparılması Qaydası”nın təsdiq edilməsi haqqında Azərbaycan Respublikası Nazirlər Kabinetinin Qərarı

» 6/8/2022- “Müharibə veteranlarının reyestrinin aparılması Qaydası”nın təsdiq edilməsi haqqında Azərbaycan Respublikası Nazirlər Kabinetinin Qərarı

» 5/8/2022- Ombudsmanın Cənub Regional Mərkəzinin açılış mərasimi olub VİDEO

» 4/8/2022- Qarabağ və Quba-Xaçmaz iqtisadi rayonları üzrə peşə hazırlığı üçün prioritet peşə və ixtisaslar müəyyən edilib

» 4/8/2022- QARABAĞ AZƏRBAYCANDIR!

» 3/8/2022- QHT sədrinə ağır itgi.

» 3/8/2022- Nazir Sahil Babayev: “Əvvəllər müharibə əlili olmuş, lakin sonradan sağalmış şəxslərə də birdəfəlik ödəniş edilir”

» 2/8/2022- Həmkarlar İttifaqları Konfederasiyasından həssas qrupların özünüməşğulluğuna növbəti dəstək

» 2/8/2022- Birinci Qarabağ müharibəsi əlillərinə birdəfəlik ödəmələrin verilməsinə başlandı

» 1/8/2022- Daha 150-dək peşə və kvalifikasiya standartı hazırlanaraq təsdiq edilib

» 1/8/2022- Şəhid uşaqları üçün yay düşərgəsində interaktiv təlimlər də təşkil olunur