XƏBƏRLƏR

14/8/2014 Azərbaycan Qızıl Aypara Cəmiyyətinin Silahlara Qarşı Mübarizə proqramı tərəfindən “Mina Partlayışı Zamanı Əlil Olmuş İnsanlara, Ailə başçısını itirmiş Ailələrə Sosial Dayaq” layihəsi Qazax və Tovuz rayonlarında davam etdirilib.

 

qhtxeber.az//  Azərbaycan Qızıl Aypara Cəmiyyətinin Silahlara Qarşı Mübarizə proqramı tərəfindən “Mina Partlayışı Zamanı Əlil Olmuş İnsanlara, Ailə başçısını itirmiş Ailələrə Sosial Dayaq” layihəsi Qazax və Tovuz rayonlarında davam etdirilib.

Bu layihə “Mina Qurbanlarına Yardım” strategiyası çərçivəsində həyata keçirilir.

 

qhtxeber.az-ın məlumatına görə, 2008-ci ildən başlayaraq Azərbaycan Qızıl Aypara Cəmiyyətinin Silahlara Qarşı Mübarizə proqramı “Mina Partlayışı Zamanı Ailə Başçısını İtirmiş Ailələrə Sosial Dayaq” layihəsi çərçivəsində Beynəlxalq Qızıl Xaç Komitəsi, ANAMA (Azərbaycan Ərazilərinin Minalardan Təmizlənməsi Üzrə Milli Agentlik), AzCBL (Minalar Əleyhinə Azərbaycan Kampaniyası İctimai Birliyi) və s. kimi qurumlarla müzakirələr aparıb. Bu müzakirələrdən aydın olub ki, respublika ərazisində minalara qarşı mübarizə aparan qurumlar əsasən mina və PHS partlayışı nəticəsində əlil olmuş insanlarla daha çox layihələr həyata keçirirlər. Ailə başçılarını mina/PHS partlayışı nəticəsində itirmiş ailələrə sosial dayaq kimi əsasən dövlət tərəfindən ayrılmış müvafiq pensiyaları real olaraq ailəyə dəstək kimi göstərmək olar. 

 

Azərbaycan Qızıl Aypara Cəmiyyəti belə ailələrin sosial durumu üzrə tədqiqata başlayıb. Tədqiqat üçün əsas dəstək ANAMA tərəfindən Milli Cəmiyyətə təqdim olunan mina/PHS partlayışı zamanı əlil olmuş insanların siyahısı olub. Bu siyahı əsasında Azərbaycan Qızıl Aypara Cəmiyyəti partlayış nəticəsində dünyasını dəyişmiş ailə başçılarının hazırkı ailə şəraitinin qiymətləndirilməsi prosesini həyata keçirib. 2008, 2009, 2010, 2011, 2012 2014-cü illər ərzində Tərtər, Qazax, Ağstafa, Tovuz, Ağdam, Goranboy, Gədəbəy, Füzuli, Ağcabədi və Beyləqan rayonlarında ailələrin qiymətləndirilməsi prosesi təşkil olunub, nəticədə ümumilikdə 86 belə ailəyə sosial dayaq məqsədilə iribuynuzlu heyvan təqdim olunub.

 

2014-cü ildən etibarən isə mina/PHShadisəsi nəticəsində mina qurbanı olmuş, lakin sağ qalaraq əlil olmuş insanların ailələri üçün də sosial dayaq layihəsi həyata keçrilib. 2014-cü ilin avqust ayında Qazax və Tovuz  rayonundan seçilmiş 6 mina qurbanı ailəsinə  iri buynuzlu heyvanlar təqdim olunub. Bu il yardım edilən ailələrlə birlikdə ümumilikdə 98 mina qurbanı ailəsi layihədən yararlanıb.

 

Azərbaycan Qızıl Aypara Cəmiyyəti bu layihə çərçivəsində maliyyə dəstəyi üçün Beynəlxalq Qızıl Xaç Komitəsinə təşəkkürünü çatdırıb.

 

Esmira  Rəhimova

 

Bu xəbər 3717 dəfə oxunub

Oxşar xəbərlər:

• - Milli Məclisdə QHT-lərlə Əməkdaşlığa dair Memorandum imzalandı
• - Azərbaycanda QHT-lərin işini asanlaşdıracaq elektron məlumat sisteminin təqdimatı keçirilib
• - QHT xəbərləri
• - Xarici qeyri-hökumət təşkilatlarının Azərbaycanla bağlı layihələrinin dəstəklənməsi sahəsində əlavə tədbirlər haqqında Azərbaycan Respublikası Prezidentinin Sərəncamı
• - Gənclər üçün Təhsil Mərkəzinin fiziki qüsurlu gəncləri Asan Xidmətin 2 yaşını qeyd etdilər
• - «Qeyri-hökumət təşkilatları (ictimai birliklər və fondlar) haqqında» Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 4 oktyabr tarixli 401 nömrəli Fərmanında dəyişikliklər edilməsi haqqında Azərbaycan Respublikası Prezidentinin Fərmanı
• - AZƏRBAYCAN MİLLİ QHT FORUMUNUN BEYNƏLXALQ TƏŞKİLATLARA VƏ RESPUBLİKADA FƏALİYYƏT GÖSTƏRƏN DİPLOMATİK KORPUSA MÜRACİƏTİ
• - Azərbaycan Qızıl Aypara Cəmiyyətinin Silahlara Qarşı Mübarizə proqramı tərəfindən “Mina Partlayışı Zamanı Əlil Olmuş İnsanlara, Ailə başçısını itirmiş Ailələrə Sosial Dayaq” layihəsi Qazax və Tovuz rayonlarında davam etdirilib.
• - Milli QHT Forumu QHT-Hökümət münasibətlərini müzakir etdi-SOSİAL SAHƏDƏ
• - QHT tərəfindən təşkil olunan Gənclər Təşkilatlarının II Milli Konqresi baş tutub
• - QHT Şurası yeni qrant müsabiqəsi elan etdi - 2016.