XƏBƏRLƏR

17/4/2014 “Əlillərin hüquqları haqqında” Konvensiyanın icrasına dair Azərbaycanın ilk məruzəsi BMT-də müsbət qiymətləndirilib

04.04.2014

“Əlillərin hüquqları haqqında” Konvensiyanın icrasına dair  Azərbaycanın ilk məruzəsi  BMT-də müsbət qiymətləndirilib

Cenevrədə (İsveçrə) BMT-nin Əlillərin hüquqları üzrə Komitəsinin 11-ci sessiyasında  “Əlillərin hüquqları haqqında” Konvensiyanın müddəalarının icrası sahəsində görülən işlərə dair Azərbaycan Respublikasının ilk məruzəsi ətrafında müzakirələr aparılıb.    Qeyd edək ki, sessiyanın ilk günü Azərbaycan Respublikasının əmək və əhalinin sosial müdafiəsi naziri, nümayəndə heyətinin rəhbəri Səlim Müslümov ötən müddətdə ölkədə əlillərlə bağlı aparılan siyasətin bu Konvensiyaya uyğunlaşdırılması istiqamətində görülən işlər barədə geniş məruzə ilə çıxış edib. Məruzə ətrafında müzakirələr zamanı BMT-nin Əlillərin hüquqları üzrə Komitəsinin sədri xanım María Sisternas “Əlillərin hüquqları haqqında” Konvensiyanın müddəalarının icrası sahəsində Azərbaycanda görülən işlərə dair təqdim olunan məruzənin əhatəli olduğunu, qeyd olunan tədbirlərin Konvensiya üzrə nəzərdə tutulan müddəaları əks etdirdiyini vurğulayıb.    Azərbaycan üzrə məruzəçi Martin Mvesiqvan ölkəmizin bu ilk məruzəsinin dolğun məzmuna malik olduğunu və məruzə ətrafında maraqlı müzakirələrin aparıldığını, ölkəmizdə əlillərin sosial müdafiəsinin gücləndirilməsi, onların cəmiyyətə inteqrasiyası sahəsində görülən işlərin təqdirəlayiq olduğunu bildirib.    Daha sonra Konvensiyanın müddəaları üzrə ölkəmizdə görülən işlərə dair suallar cavablandırılıb. Azərbaycan Respublikasının əmək və əhalinin sosial müdafiəsi naziri Səlim Müslümov səslənən sualların əlilliyi olan şəxslərlə bağlı əsasən hüquqi məsələləri əhatə etdiyini bildirib və ölkəmizdə bu məsələlərin həlli ilə bağlı aparılan işləri diqqətə çatdırıb.    Azərbaycan Respublikasının ədliyyə nazirinin müavini Toğrul Musayev, səhiyyə nazirinin müavini Elsevər Ağayev, əmək və əhalinin sosial müdafiəsi nazirinin müavini İlqar Rəhimov iştirakçıları maraqlandıran sualları ətraflı cavablandırıblar.      Digər çıxış edənlər Azərbaycanda əlilliyi olan şəxslərə göstərilən diqqət və qayğını vurğulayıblar. Səmərəli və işgüzar şəraitdə aparılan müzakirələrin sonunda nazir S.Müslümov, M. Mvesiqvan və M.Sisternas yekun nitqi ilə çıxış ediblər.

 

 

Bu xəbər 3415 dəfə oxunub

Oxşar xəbərlər:

• - Əmək və Əhalinin Sosial Müdafiəsi Nazirliyi daha 100 nəfər Qarabağ müharibəsi və 20 Yanvar əlillərini minik avtomobilləri ilə təmin edib (VİDEO)
• - 1500 nəfər əlilliyi olan şəxsə bərpa-müalicə xidməti göstərilib
• - “Əlillərin hüquqları haqqında” Konvensiyanın icrasına dair Azərbaycanın ilk məruzəsi BMT-də müsbət qiymətləndirilib
• - Əmək və Əhalinin Sosial Müdafiəsi Nazirliyi tərəfindən tibbi-sosial ekspertiza və əlillərin reabilitasiyası informasiya sistemi qurulub
• - Qarabağ müharibəsi və 20 Yanvar əlillərindən daha100 nəfərinə minik avtomobilləri təqdim edilib
• - Əmək və Əhalinin Sosial Müdafiəsi Nazirliyində yeni Tvinninq layihəsinin təqdimatı olub
• - Azərbaycan paytaxtında müvəqqəti dayanacaqlar və parkinqlər əlillər üçün pulsuz olacaq
• - Azərbaycanda 34 876 nəfər dövlət qarşısında xüsusi xidmətlər göstərdiyinə görə təqaüd alır.
• - ƏƏSMN tərəfindən 50 nəfər əlilliyi olan şəxs Şəkidə yerləşən istirahət mərkəzinə yola salınıb
• - Cari ilin ilk yarımilində 52 nəfər əlilliyi olan şəxsə peşə şəhadətnamələri verilib
• - Azərbaycan Prezidenti İlham Əliyevin sədrliyi ilə Nazirlər Kabinetinin 2014-cü ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclası keçirilmişdir