“Rio Paralimpiya Oyunlarından parlaq qələbələrlə”

  Bu gün Meqafun Əyləncə Mərkəzində Azərbaycan Respublikası Prezidenti yanında Qeyri Hökümət Təşkilatlarına Dəstək Şurasının maliyyə dəstəyi, Milli ParalimpiyaKomitəsinin və Azərbayraq şirkətinin təşkilatı dəstəyi ilə Əlil İdmançılara Dəstək İctimai Birliyi “Rio Paralimpiya Oyunlarından parlaq qələbələrlə” layıhəsi çərçivəsində Bakıda əlil arabası istifadəçiləri arasında Boulinq üzrə IV Açıq Azərbaycan çempionatı keçirilmişdir. Yarışda Milli Paralimpiya Komitəsinin prezidenti İlqar Rəhimov, Şuranın nümayəndəsi Həsən Səmədov və Azərbayraq şirkətinin vitse-prezidenti Şahin Qardaşlı iştirak etmişlər. Yarışa Milli Paralimpiya Komitəsinin müxtəlif idman sahələri üzrə paralimpiyaçıları və qeyri paralimpiya idman növlərinin idmançıları qatılmlşlar. Kişilər arasında 21, qadınlar arasında isə 8 idmançı öz güclərini sınamışlar.
3 saatlıq gərgin mübarizədən sonra qadınlar arasında Bahar Şıxıyeva 1-ci, Gülnaz Hidayətova 2- ci, Azadə Abdullayeva isə 3-cü yerə sahib olmuşlar. Kişilər arasında Amid Həsənquliyev 1-ci yerə çıxaraq İkiqat Azərbaycan çempionu adına layiq görülmüşdür. Elçin Bayramov 2- ci, Elvin Astanov isə 3-cü yerə sahib olmuşlar.
Qaliblər kubok, medal, diplom və LİLAC şirkəti tərəfindən gül dəstəsi ilə mükafatlandırılmışlar.
Yarışın 1-ci və 2-ci yerin qalibləri 26 iyun 2016-cı il tarixində Milli Paralimpiya Komitəsinin 20 illik yubileyinə həsr olunmuş beynəlxalq turnirdə iştirak edəcəklər.
Yarışın açılışında Milli Paralimpiya Komitəsinin prezidenti İlqar Rəhimov, Komitənin məsul şəxsləri və QHT rəhbərləri iştirak etmişlər

Davud Rəhimli

---