13 Avqust 2020-ci il

Əsas Səhifə Webmail


XƏBƏRLƏR

11px13px15px17px
68. "Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu Qaydası"nın təsdiq edilməsi haqqında Azərbaycan Respublikası Nazirlər Kabinetinin Qərarı, 2003-cü il


"Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu Qaydası"nın təsdiq edilməsi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI
 

"Azərbaycan Respublikasında vərəmlə mübarizə haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2000-ci il 15 iyul tarixli 367 nömrəli Fərmanının 2-ci bəndinin ikinci abzasının icrasını təmin etmək məqsədi ilə Azərbaycan Respublikasının Nazirlər Kabineti qərara alır:

1. "Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu Qaydası" təsdiq edilsin (əlavə olunur).

2. Bu qərar imzalandığı gündən qüvvəyə minir.

 

Azərbaycan Respublikası Baş nazirinin birinci müavini A.Rasİzadə
 

Bakı şəhəri, 13 oktyabr 2003-cü il
№ 133

Azərbaycan Respublikası Nazirlər Kabinetinin

2003-cü il 13 oktyabr tarixli 133 nömrəli qərarı ilə
TƏSDİQ EDİLMİŞDİR

 

Daimi yaşayış yeri olmayan, ətrafdakılar üçün təhlükə törədən vərəm xəstəliyinə tutulmuş şəxslər üçün təşkil olunan xüsusi xəstəxana-internatlara xəstələrin göndərilməsi və qəbulu
QAYDASI

 

1. Daimi yaşayış yeri olmayan, müvəqqəti məskunlaşmış vərəmli xəstələr yaşayış və olduğu yer üzrə ərazi vərəm əleyhinə müəssisəsi (dispanser, şöbə, kabinet) tərəfindən dispanser müşahidəsinə götürülürlər.

Yoluxucu xəstəlik ocaqlarında vərəm əleyhinə müəssisələrin sifarişlərinə əsasən cari və tamamlayıcı dezinfeksiya tədbirləri aparılır. Ərazi gigiyena və epidemiologiya mərkəzləri bu işi təşkil edirlər.

2. İlkin aşkar edilmiş fəal vərəmli xəstələr barəsində xəstəliyi aşkar edən həkim tərəfindən müvafiq qaydada təsdiq edilmiş xəbərdarlıq vərəqəsi doldurularaq ərazi gigiyena və epidemiologiya mərkəzinə və vərəm əleyhinə tibb müəssisəsinə verilir.

3. Daimi yaşayış yeri olmayan, müvəqqəti məskunlaşmış vərəmli xəstələrin dispanser müşahidəsi stasionar, ambulator və sanator müalicəsi ərazi vərəm əleyhinə müəssisələri və vərəm sanatoriyaları tərəfindən aparılır.

4. Daimi yaşayış yeri olmayan, müvəqqəti məskunlaşmış vərəmli xəstələr ərazi vərəm əleyhinə müəssisələrdə stasionar müalicəni başa vurduqdan sonra onlarda klinik, rentgenoloji və bakterioloji sağalma müşahidə edildikdə, müalicəni ixtisaslaşdırılmış xəstəxana-internatlarda davam etdirirlər.

5. Xəstəxana-internatlara göndəriş vərəm əleyhinə müəssisənin həkim-məsləhət komissiyasının qərarı ilə verilir. Göndərişə xəstənin keçdiyi müayinə və müalicə metodları, onların nəticələri barədə ətraflı məlumatı əks etdirən arayış (xəstəlik tarixindən çıxarış) əlavə olunur.

6. Xəstəxana-internatlarda həyata keçirilən müalicə və reabilitasiya vərəm əleyhinə aparılan kompleks müalicə tədbirlərinin əsas etaplarından birini təşkil edir. Bu müalicə tədbiri ambulator və sanator müalicə etapını əvəz edir.

7. Xəstəxana-internatlara daxil olan xəstələr qeydiyyatdan keçdikdən sonra minimum müayinəyə cəlb olunurlar. Profilaktik müalicə təyin edilən zaman xəstələrin spesifik dərmanlara qarşı həssaslığı, yaşı və çəkisi nəzərə alınır.

8. Xəstəxana-internatlarda aparılan müalicənin taktikası və müddəti müəssisəsinin həkim-məsləhət komissiyası tərəfindən müəyyənləşdirilir.

9. Daimi yaşayış yeri olmayan, vərəm xəstəliyinə yoluxmuş şəxslər yaşayış yerini dəyişərkən onların müalicə və müşahidəsinə dair məlumatlar ərazi vərəm əleyhinə müəssisəsi tərəfindən yeni yaşayış yeri üzrə vərəm əleyhinə müəssisəyə göndərilir.

 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 2578 dəfə oxunub

Oxşar xəbərlər:





Flag Counter






» 12/8/2020- Prezident İlham Əliyev Bakıya gətirilmiş TX modelli yeni “London taksi”ləri ilə tanış olub

» 5/8/2020- “VCT dayanıqlıq indeksi - 2019”

» 30/7/2020- İsmayıllı rayonunda təməli qoyulan “DOST Evi” mərkəzi bölgədə məşğulluğun, milli mədəniyyət nümunələri istehsalının və turizmin inkişafına dəstək verəcək

» 24/7/2020- "Əlilliyi olan uşaqların sosial reabilitasiyası” adlı layihəsini həyata keçirilir

» 21/7/2020- ZOOM/ SI&C

» 21/7/2020- DIPLOMATIYAMIZIN NÖVBƏTI BÖYÜK UĞURU

» 21/7/2020- İyulun 21-də Bakıda şəhid ailələrinə, müharibə əlillərinə mənzillərin və avtomobillərin təqdim olunması mərasimi keçirilib.

» 21/7/2020- Azərbaycan Respublikasının Birinci vitse-prezidenti Mehriban Əliyeva Ermənistanın Azərbaycan-Ermənistan dövlət sərhədinin Tovuz rayonu istiqamətində törətdiyi hərbi təxribatlarla bağlı xalqımıza müraciət edib.

» 15/7/2020- “Əlillik” altsistemində təkmilləşdirmələr aparılıb, bir sıra yeniliklər tətbiq edilib

» 14/7/2020- Əlil Təşkilatları İttifaqı Ermənistanın Azərbaycan-Ermənistan dövlət sərhədinin Tovuz istiqamətində təxribatı ilə əlaqədar bəyanat yayıb

» 8/7/2020- VEBİNAR UN

» 8/7/2020- QHT Jest dilində məlumatlandırma tədbirlərini davam etdirir

» 6/7/2020- Daha 200 mənzil şəhid ailələri və Qarabağ müharibəsi əlillərinə veriləcək

» 1/7/2020- Vebinar. ZP MMBA

» 1/7/2020- Əmək və Əhalinin Sosial Müdafiəsi Nazirliyində struktur islahatlar

» 1/7/2020- Avropa İttifaqının Şərq Tərəfdaşlığı Vətəndaş Cəmiyyəti Forumunun 5-ci işçi qrupunun iclası WG - 5 VEBINAR

» 28/6/2020- "Səssiz Dünya" İşarət Dilində Danışan Əlillərə və İdmançılara Dəstək İctimai Birliyinin 1 yaşı tamam olur.

» 27/6/2020- Dünya Bankı və Azərbaycan Hökuməti arasında “Məşğulluğa Dəstək Layihəsi” üzrə kredit sazişi imzalanıb

» 26/6/2020- ŞURANIN DƏSTƏYİLƏ İTALİYA VƏ UKRAYNANIN SƏHİYYƏ İSTİQAMƏTLİ TƏŞKİLATLARI İLƏ TƏCRÜBƏ MÜBADİLƏSİ APARILIB

» 23/6/2020- “Benefisiar məlumatların açıqlığına necə olaq?”