XƏBƏRLƏR

26/5/2022 Bakı Peşə Hazırlığı Mərkəzi yeni layihəsi ilə "TEKNOFEST 2022" müsabiqəsinin finalçılarından biri oldu

Bakı Peşə Hazırlığı Mərkəzi yeni layihəsi ilə "TEKNOFEST 2022"

müsabiqəsinin finalçılarından biri oldu

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Bakı Peşə Hazırlığı Mərkəzi Azərbaycanda ilk dəfə keçirilən və dünyanın ən böyük aviasiya, kosmos və texnologiya festivalı olan  "TEKNOFEST 2022" Aerokosmik və Texnologiya Festivalında iştirak edir.

Festivalın təşkilatçıları "Türkiyə Texnologiya Komandası"-T3 Fondu, Rəqəmsal İnkişaf və Nəqliyyat Nazirliyi və Türkiyə Respublikasının Sənaye və Texnologiya Nazirliyidir.

Festivala "Bacaranlar" komandası ilə qatılan Peşə Hazırlığı Mərkəzi Festivalın "Sosial yönümlü texnologiyalar” kateqoriyası üzrə müsabiqəsinə "TexnoBaba" layihəsini təqdim edib.

Bu kateqoriyaya Azərbaycan üzrə 100-ə yaxın komanda müraciət edib və onlardan yalnız 15-i, o cümlədən Bakı Peşə Hazırlığı Mərkəzi müsabiqənin final mərhələsində iştirak hüququ əldə edib.  

"TexnoBaba" layihəsi işsiz gənclərin qurub-yaratmaq, inkişafa meyillilik ideyalarının həyata keçirilməsinə, təhsildə innovativ yeniliklərin tətbiqinə dəstək məqsədi daşıyır.

Layihə çərçivəsində www.texnobaba.com rəqəmsal platforması  yaradılıb və bu platforma öz ideyalarına invertar dəstəyi axtaran gənclər ilə bu sahəyə yatırım etmək istəyən investorları birləşdirir. Bunun üçün gənc ilk olaraq saytda qeydiyyatdan keçərək ehtiyacı olan robot setləri və ya başqa bu kimi məhsulları qeyd etməlidir.

"Sosial yönümlü texnologiyalar” müsabiqəsi fərdlərin öz sosial məsuliyyət məlumatlılığı ilə texnoloji bilik və təcrübələrini inteqrasiya edərək cəmiyyət üçün faydalı layihələri ərsəyə gətirmələrinə dəstək olmaq məqsədi daşıyır.

"TEKNOFEST 2022" Aerokosmik və Texnologiya Festivalı 26-29 may tarixlərini əhatə edir.

 

Əlil Tə.kilatları İttifaqı

 

Bu xəbər 285 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”