XƏBƏRLƏR

28/2/2020 “Hamı üçün müyəssər xoşbəxt şəhər” layihəsi çərçivəsində fokus qrupu ilə görüş keçirilib

Press – Reliz № 07

Bakı şəhəri.                                                                                                                 28 fevral 2020-ci il

“Hamı üçün müyəssər xoşbəxt şəhər” layihəsi çərçivəsində fokus qrupu ilə görüş keçirilib

      Azərbaycan Respublikası Əlil Təşkilatları İttifaqı (ƏTİ) Avropa İttifaqının maliyyələşdirdiyi və BMT-nin İnkişaf Proqramının qismən maliyyələşdirdiyi və icra etdiyi “Genderə - həssas Dayanıqlı İnkişaf  Məqsədlərinin Həyata Keçirilməsində Vətəndaş Cəmiyyətinin Rolunun Artırılması” layihəsi çərçivəsində Lənkəran şəhəri üzrə əlilliyi olan şəxslər üçün əlçatan mühitin yaradılmasına dair “Hamı üçün müyəssər xoşbəxt şəhər” layihəsini həyata keçirir. Layihənin partnyor təşkilatı Lənkəran şəhər Bələdiyyəsidir.

     Layihənin məqsədi Lənkəran şəhərində əlilliyi olan şəxlər üçün gender məsələlərini nəzərə almaqla müyəssər mühitin yaradılması üzrə ictimai maarifləndirmə, müyəssər şəhər modelinin qurulması, müyəssərlik üzrə mütəxəsislərin hazırlanması ilə əlilliyi olan şəxslər üçün bərabər imkanların yaradılmasına dəstək olmaqdır.

      Layihənin fəaliyyət planına uyğun olaraq müxtəlif təşkilatların nümayəndələrinin iştirakı ilə fokus qrupu ilə görüş keçirilmişdir. Əlil Təşkilatları İttifaqının prezidenti Davud Rəhimli layihə və tədbir barədə məlumat vermişdir. Bu fokus qrup müzakirəsinin məqsədi Azərbaycanın şəhərlərində gender məsələlərini də nəzərə almaqla əlilliyi olan və hərəkət məhdudiyyəti olan şəxslər üçün müyəssərlik sahəsində mövcud vəziyyəti öyrənmək və bu sahədə olan problemlərin həll yollarını araşdırmaq üçün mütəxəssislərin rəylərini və tövsiyyələrini almaqdır.

     Tədbirdə Ombudsman apparatının sektor müdiri Müqalib Mahmudov, Dövlət Şəhərsalma və Arxitektura Komitəsinin Şəhərsalma və ərazilərin inkişafı şöbəsinin baş məsləhətçisi və Azərbaycan Memarlıq və İnşaat Universitetinin müəllimi Rəna Axundova, Azərbaycan Memarlıq və İnşaat Universitetinin baş müəllimi Fərid Kərimov, UNEC Universitetinin İnklüziv təhsil mərkəzinin direktoru Sevinc Məhsimova, QHT.az saytının baş redaktoru Cəsarət Hüseynzadə, Əlillərin Beynəlxalq Əməkdaşlığı uğrunda İctmai Birliyinin icraçı direktoru Cavid Rəhimov nəzərdə tutulan suallara öz münasibətlərini bildirmiş, təkliflər vermişlər.

 

 
 

Bu xəbər 1797 dəfə oxunub

Oxşar xəbərlər: