XƏBƏRLƏR
- 20/8/2019 QHT “İcma əsaslı sosial reabilitasiya xidməti mərkəzi”yaradır
“İstedadlı Əlillər” İctimai Birliyi sağlamlıq imkanları məhdud uşaqlar üçün həyata keçirtdiyi “İcma əsaslı sosial reabilitasiya xidməti mərkəzi”-nin yaradılması adlı layihəsi çərçivəsində görülmüş işlər haqqında yekun hesabat verdi. Birliyin rəhbəri Cavad Qasımov tədbir iştrakçılarını salamladıqdan sonra layihə haqqında geniş məruzə ilə çıxış edərək bildirdi ki, “...Bu layihə Azərbaycan Respublikasının Prezidenti yanında Qeyri – Hökumət Təşkilatlarına Dövlət Dəstəyi Şurasının maliyə dəstəyi ilə həyata keçirildi. Layihədən ümumilikdə 350 nəfərdən çox insan bu və ya digər şəkildə faydalanmışdır. Layihənin icra müddətində 30 nəfər sağlamlıq imkanları məhdud uşağa və valideyinlərinə sosial xidmət göstərilməsi nəzərdə tutulmuşdusa, 4 aylıq layihə çərçivəsində bu qəbildən olan 70-dən çox ailəyə, o cümlədən 35 nəfər əlilliyi olan şəxslərə sosial xidmət göstərilmişdir. Layihə iştrakçılarından 30 nəfər sağlamlıq imkanları məhdud uşaq həm mərkəzdə həmdə ev şəraitində gündəlik təlimlərə cəlb olunmuşdu. Onlara gündəlik həyat vərdişləri, funksional və abilitasiya üzrə, qrup şəkilində və fərdi yanaşma üsulu ilə təlimlər keçirilmişdi. 32 ailənin özünəməşğulluq proqramlarına qoşulmalarına, ünvanlı sosial yardım almalarına, işlə təmin olunmalarına dəstək göstərilmişdi. 12 nəfər əlilliyi olan istedadlı insanların 300 –dən çox əl işinin satış sərgisi və 10 nəfər musiqi istedadı olan fiziki imkanları məhdud şəxslərin ifasında konsert proqramı təşkil olunmuşdu. Layihənin işçi qrupuyla, Yeni Azərbaycan Partiyasının Abşeron Rayon Şöbəsinin və Həmvətənlərə Dəstək İctimai Birliyinin rəhbərlərinin və əməkdaşlarının birgə iştrakı ilə Saray qəsəbəsində yerləşən uşaq evinin sakinləriylə görüş təşkil edilmiş, Masazır qəsəbəsində yerləşən “Məzunlar Evi”ndə yaşayan bir neçə ailəni və bu kimi ailələrdə olan uşaqları layihənin xidmətlərindən faydalanmağa cəlb edilmişdi. Layihənin iştrakçıları olan bir çox aztəminatlı ailələrə Ramazan və Qurban bayramlarında ərzaq yardımı verilmişdi...” Daha sonra layhə üzrə sosial işçi Qubad Qasımov və digər natiqlər mövzu ətrafında çıxışlar etdilər. Qeyd edək ki, layihənin məqsədi Abşeron rayonunda yaşayan 18 yaşadək sağlamlıq imkanları məhdud uşaqlara icma əsaslı sosial reabilitasiya xidmətlərinin göstərilməsindən, ailələri səlahiyyətləndirmək və onların bilik və bacarıqlarını inkişaf etdirilməsindən, valideynləriin icma əsaslı sosial reabilitasiya haqqında məlumatlanmasından ibarətdir. Xidmət ümumi olaraq uşaqların ehtiyacı əsasında bu sahələri əhatə etmişdi. Sosial iş, gündəlik həyat (funksional) vərdişləri (abilitasiya), sosial-psixoloji dəstək, sosiallaşma və ünsiyyət, koqnitiv bacarıqlar və təhsil, nitq problemləri, hərəkət problemləri (fiziki inkişaf). İstedadlı Əlillər İctimai Birliyinin mətbuat xidməti
Bu xəbər 1756 dəfə oxunub
1.jpg)
