27 Yanvar 2021-ci il

Əsas Səhifə Webmail


XƏBƏRLƏR

11px13px15px17px
6/7/2018 “Nəsimi dünyası” adlı ustad Nəsimiyə həsr olunmuş gecə


“Nəsimi dünyası” adlı ustad Nəsimiyə həsr olunmuş gecə böyük maraqla və alqışlarla qarşılandı. Millət vəkili Qənirə Paşayevanın rəhbərlik etdiyi "Avrasiya Beynəlxalq Araşdırmalar İnstitutu" İB-nin, Beynəlxalq Muğam Mərkəzinin və Nəsimi sevdalısı iş adamı Tahir Gözəlin dəstəyilə böyük şairimiz, ustad İmadəddin Nəsiminin yaradıcılığına həsr olunmuş möhtəşəm "Nəsimi dünyası" adlı gecə keçirilib.
Azərbaycanın tanınmış ictimai xadimlərinin, alimlərin, ziyalıların, QHT və KİV rəhbərlərinin, bir sözlə Nəsimi sevərlərin iştirakı ilə keçirilmiş gecədə ustad sənətkar İmadəddin Nəsiminin yaradıcılığı ədəbi-musiqili proqramla tamaşaçılara təqdim edilib. Tədbirin təşkilatçılarından olan Avrasiya Beynəlxalq Araşdırmalar İB-nin sədri, millət vəkili Qənirə Paşayeva ustad Nəsimi ilə bağlı bu formatda ilk dəfə tədbirin keçirildiyini vurğulayıb və bildirib ki, bu isti yay günlərində bu qədər dəyərli insanlarımızın zalı doldurması sözün həqiqi mənasında Nəsimiyə verilən böyük dəyərdir: “Mən Nəsimi dünyasına çox kiçik yaşlarımdan daxil olmuşam. O dünya elə böyük idi ki, onun arxasınca Suriyaya, Hələbə qədər getdik. Nəsiminin məzarını ziyarət edəndə içimdə qəribə duyğular keçirirdim. Yadımdadır ki, Ümumilli liderimiz Heydər Əliyev ilə xarici ölkələrin birinə səfər zamanı jurnalistlərlə söhbət edəndə ona dedim: Nəsiminin qəbrinin Azərbaycanda olması necə gözəl olardı. Ümumilli liderimiz Nəsimi ilə bağlı çox maraqlı məlumatlar danışdı". Daha sonra millət vəkili qeyd edib ki, Nəsiminin yaradıcılığının təbliği dövlət siyasətimizdə önəmli yer tutur:"Nəsiminin böyüklüyü ondan ibarət idi ki, onun yaradıcılığının əsasında insan dururdu. O, həqiqət mərtəbəsində dayanan böyük bir şəxsiyyət idi. O, insana birbaşqa yanaşırdı. Müsəlman dünyasında Nəsimiyə zülm edənlər bu gün də var: İŞİD, Taliban və s. timsalında. Bunlar hamısı cahillikdəndir. Cahilliklə mübarizənin yolu bu böyük şəxsiyyətlərin yaradıcılığının öyrənilməsindən keçir"—deyə Milli Məclisin deputatı əlavə edib. O bildirib ki, böyük şairin dünyasını tanımaq istəyənlərə imkan verən bu proqram televiziya kanalları, KİV-lə yanaşı, sosial medidada da geniş yayımlanacaq və yaxın gələcəkdə bu repertuarla bir sıra xarici ölkələrdə də “Nəsimi dünyası” gecələrinin keçirilməsi nəzərdə tutulur. O həmçinin böyük şair və mütəfəkkirimiz İmadəddin Nəsimini gənc nəslin daha geniş öyrənilməsinin vacibliyindən danışıb və bu gecədə əməyi keçən hər kəsə dərin təşəkkür edib. Millət vəkili Qənirə Paşayeva Beynəlxalq Muğam Mərkəzinindirektoru Murad Hüseynov və iş adamı, Nəsimi araşdırmaçısı Tahir Gözələ bu layihəyə verdikləri dəstəyə görə təşəkkür plaketlərini təqdim edib. Millət vəkili həmçinin Facebook və tvitter üzərindən Nəsimi ilə bağlı səhifələrin açıldığını bildirib və böyük ustadın zəngin irsinin sosial medianın imkanlarından daha geniş istifadə olunacağını vurğulayıb. Daha sonra tədbirin təşkilatçılarından olan iş adamı Tahir Gözəl ustad sənətkarın zəngin poetik irsindən, onun yaradıcılığının fəlsəfi tərəflərindən söz açıb. O, insanları şairin irsini öyrənməyə çağırıb. Tədbir iştirakçılarına professor Qəzənfər Paşayevin hazırladığı və latın əlifbasında ilk dəfə işıq üzü görmüş İmadəddin Nəsiminin “İraq divanı” kitabı hədiyyə edilib. “Nəsimi dünyası” gecəsində tanınmış sənətçilərimiz Azərbaycanın Xalq artisti Nəzakət Teymurova, Savalan qrupunun rəhbəri Novruz Novruzlu, Eyvaz Həşimovun rəhbərliyi ilə “Hicaz” qrupu, tanınmış muğam ifaçısı Mütəllim Dəmirov, Azərbaycanın əməkdar artisti Mehriban Zəki, əməkdar incəsənət xadimi Əbdül Mahmudov (Şeyx Əbdül), tanınmış qiraət ustaları Məleykə Alovlu, Həlimət Məmmədova (Sultan), Nəsimi araşdırmaçısı Fərəc Əliyev öz möhtəşəm ifaları ilə tamaşaçıları Nəsimi dünyasına dəvət ediblər. Nəsiminin yaradıcılığından səslənən qəzəllər və oxunan mahnılar ustad sənətkarın irsinin musiqi və poetikanın vəhdəti tamaşaçılara çatdırmaqda mühüm roy oynayıb. Nəsimi irsinin sehrinə düşən tamaşaçılar proqramı alqışlarla qarşılayıb.
Qeyd edək ki, tədbirdə "Nəsimi" filmindən qısa fraqmentlər nümayiş olunub və tədbir ASAN Radio vasitəsilə canlı olaraq yayımlanıb. 
 

https://ganirapashayeva.com/2018/07/06/n%C9%99simi-dunyasi-adli-ustad-n%C9%99simiy%C9%99-h%C9%99sr-olunmus-gec%C9%99-boyuk-maraqla-v%C9%99-alqislarla-qarsilandi/ 

https://youtu.be/35Eqq6As-4o 

 





Flag Counter






» 25/1/2021- Prezident İlham Əliyevdən şəhid ailələrinə və müharibə ilə əlaqədar əlilliyi olan şəxslərə daha bir qayğı

» 21/1/2021- Son bir ayda qazilərdən ehtiyacı olanlara 600-dən çox reabilitasiya vasitəsi verilib

» 20/1/2021- Milli iradəmizin zəfər çaldığı gün.

» 18/1/2021- Müharibədə xəsarət almış hərbi qulluqçuların tibbi-sosial ekspertizasına başlanır

» 18/1/2021- 2021-ci ilin hansı sosial hədəfləri var?

» 18/1/2021- “Sağlamliq Imkanlari Məhdud Uşaqlara Səyyar Sosial Reabilitasiya Xidmətinin Göstərilməsi”

» 15/1/2021- Prezident İlham Əliyev Füzuli rayonunda Füzuli-Şuşa yolunun və hava limanının təməllərini qoyub, Şuşa şəhərində səfərdə olub

» 15/1/2021- Əmək və Əhalinin Sosial Müdafiəsi Nazirliyi tərəfindən qaziyə yeni mənzilin açarları təqdim edildi

» 14/1/2021- Hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, keyfiyyətlə və mərkəzləşmiş şəkildə aparılması üçün komissiya yaradıldı

» 13/1/2021- 1, 5 və 50 manatlıq pul nişanlarının yeni formasında görmə əlilliyi olanlar nəzərə alınmışdır.

» 12/1/2021- “Azərbaycan Karlar Cəmiyyəti” İctimai Birliyinin Təşkilat Komitəsinin məlumatı

» 11/1/2021- Azərbaycan Prezidenti İlham Əliyev və Rusiya Prezidenti Vladimir Putinin ikitərəfli görüşü olub

» 11/1/2021- Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin Bəyanatı

» 12/1/2021- QARABAĞ AZƏRBAYCANDIR!

» 12/1/2021- QARABAĞ AZƏRBAYCANDIR!

» 11/1/2021- Azərbaycan Respublikasının Əmək və Əhalinin Sosial Müdafiəsi Nazirliyi yanında İctimai şuranın (yeni tərkibdə) üzvlüyünə dair keçiriləcək birgə yığıncaqla (səsvermə) bağlı ELAN

» 8/1/2021- Mahmud Səfərovun ilk dəfə jest dilində filmi.

» 8/1/2021- Azərbaycan Ağsaqqallar Şurasının yeni inzibati binasının açılışı olub

» 7/1/2021- Prezident İlham Əliyevin sədrliyi ilə 2020-ci ilin yekunlarına həsr olunmuş videoformatda müşavirə keçirilib

» 7/1/2021- Əlilliyi olan şəxslərə 35 minə yaxın reabilitasiya vasitəsi verilib