09 Dekabr 2022-ci il

Əsas Səhifə Webmail


XƏBƏRLƏR

11px13px15px17px
6/11/2017 “Sağlamlıq imkanları məhdud uşaqların sosial reabilitasiyası və cəmiyyətə inteqrasiyası” mövzusunda dəyirmi masa keçirilib


“Sağlamlıq imkanları məhdud uşaqların sosial reabilitasiyası və cəmiyyətə inteqrasiyası” mövzusunda dəyirmi masa keçirilib

 

   Hazırda Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun sağlamlıq imkanları məhdud uşaqlar üçün sosial xidmət müəssisələrində 330 nəfərdən çox uşaq daimi dövlət təminatında yaşayır. Heydər Əliyev Fondunun dəstəyi ilə müasir tələblərə uyğun şəraitin yaradıldığı həmin müəssisələrdə hər bir uşağa fərdi qaydada  yanaşılmaqla, onların dərk etmə, sosial və emosional bacarıqlarının inkişafı üçün sosial reabilitasiya yönümlü işlər də aparılır.  
   Bu fikir 20 Noyabr - Ümumdünya Uşaq Hüquqları günü ilə əlaqədar ölkəmizdə keçirilən uşaq hüquqları aylığı çərçivəsində  Əmək və Əhalinin Sosial Müdafiəsi Nazirliyinin Sağlamlıq imkanları məhdud uşaqlar üçün 2 saylı sosial xidmət müəssisəsində  təşkil edilmiş dəyirmi masada diqqətə çatdırılıb. “Sağlamlıq imkanları məhdud uşaqların sosial reabilitasiyası və cəmiyyətə inteqrasiyası” mövzusuna həsr olunan tədbirdə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun,  Fərdi İnkişaf Mərkəzinin “Etika Akademiyası”nın nümayəndələri, müəssisədəki bir çox uşaqların valideynləri iştirak edib. 
   Dəyirmi masada Azərbaycanda uşaqların fiziki və mənəvi inkişafı ilə bağlı aparılan fəal və məqsədyönlü dövlət siyasətindən bəhs olunub. Sağlamlıq imkanları məhdud uşaqların sosial müdafiəsinin gücləndirilməsi yönündə həyata keçirilən tədbirlər, bu uşaqların sağlamlıqlarının bərpası, onların sosial reabilitasiyası sahəsində görülən işlər diqqətə çatdırılıb. Qeyd olunub ki, bu ilin 10 ayında Əmək və Əhalinin Sosial Müdafiəsi Nazirliyinin Uşaq Bərpa Mərkəzində və Xüsusi Qayğıya Ehtiyacı olan Uşaqların Dövlət Reabilitasiya Müəssisəsində 3 min nəfərə qədər uşaq bərpa müalicəsi  xidmətləri ilə təmin edilib. Nazirliyin sosial sifarişləri əsasında icra olunan sosial xidmət layihələri çərçivəsində isə 4046 nəfər uşağa reabilitasiya yönümlü sosial xidmətlər göstərilir. 
   Sağlamlıq imkanları məhdud uşaqlar üçün sosial xidmət müəssisələrində, o cümlədən 153 nəfər uşağın yaşadığı 2 saylı sosial xidmət müəssisəsində aparılan işlər, eyni zamanda,  həmin uşaqların sosial reabilitasiyasına yönəlib. Müəssisədə uşaqlarda özünü idarə etmək üçün ilkin bacarıqların formalaşdırılması, davranış və ünsiyyət problemlərinin aradan qaldırılmasına köməklik göstərilməsi üçün sınanmış reabilitasiya metodları tətbiq olunur. 
   Tədbirdə sağlamlıq imkanları məhdud uşaqların sosial reabilitasiyası, onların inteqrasiya imkanlarına yiyələnmələri üçün tətbiq olunan sosial reabilitasiya üsulları müzakirə olunub. Mütəxəssislər tərəfindən burada çalışan sosial xidmət işçilərinə sağlamlıq imkanları məhdud uşaqlarla iş sahəsində bilik və təcrübələrinin artırılması üçün maarifləndirici məlumatlar, eləcə də valideynlərə belə uşaqlarla davranışla bağlı müvafiq tövsiyələr verilib. Tədbir iştirakçıları sosial xidmət müəsissəsində uşaqlarla aparılan sosial reabilitasiya işləri ilə tanış olub, müəssisədə ad günü olan 3 nəfər uşaqla görüşərək, onlara hədiyyələr təqdim ediblər.

 

Davud Rəhimli



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 3432 dəfə oxunub




Flag Counter






» 9/12/2022- Postmüharibə dövründə şəhid ailələri üzvləri və müharibə iştirakçılarından ibarət 121 min şəxsə sosial dəstək xidməti göstərilib

» 8/12/2022- Kvota üzrə 66 min iş yerinin əksəriyyəti kadrlarla təmin olunub

» 8/12/2022- I Qarabağ müharibəsi ilə bağlı əlilliyi müəyyənləşdirilən 16,7 minədək şəxsə birdəfəlik ödəmə verilib

» 8/12/2022- “YAŞAT” Fondunun yaradılmasından iki il ötür

» 8/12/2022- Şəkərli diabetdən əziyyət çəkənlərin sayı 18 faiz artıb

» 7/12/2022- Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsi ilə bağlı tədbirlər haqqında Azərbaycan Respublikası Prezidentinin Sərəncamı

» 7/12/2022- Azərbaycan Respublikası Prezidentinin Sərəncamı

» 6/12/2022- Milli Xalça Muzeyində “İstedad sərhədsizdir” adlı sərgi açılıb

» 6/12/2022- Dünya Bankının tədbirində ölkəmizdəki dayanıqlı sosial müdafiə sistemi və bu sahədə hədəflərdən bəhs olunub

» 6/12/2022- “İşsizin dostu” proqramında hazırda 7,2 min müharibə veteranı, şəhid ailəsi üzvü, əlilliyi olan şəxs işləyir

» 6/12/2022- Əlilliyi olan şəxslərin məşğulluq imkanları müzakirə olunub

» 5/12/2022- QHT-lər bu halda cərimələnəcək - QANUN LAYİHƏSİ

» 3/12/2022- Qrant müsabiqəsinin qalibləri elan edildi - SİYAHI

» 3/12/2022- QHT.az xəbər verir ki, Azərbaycan Respublikasının Gənclər Fondunun 10-21 oktyabr 2022-ci il tarixlərində keçirdiyi 16-cı qrant müsabiqəsinin qalibləri müəyyən edilib.

» 3/12/2022- 3 dekabr 2022. “İnklüziv inkişaf üçün transformativ həllər: əlçatan və ədalətli dünyanı gücləndirməkdə innovasiyaların rolu”.

» 3/12/2022- QARABAĞ AZƏRBAYCANDIR!

» 2/12/2022- “Azərbaycanda mina partlayışı qurbanlarına yardım” mövzusunda dəyirmi masa keçirilmişdir.

» 1/12/2022- Pensiyaçılar arasında keçirilən “Zəfər turniri”nin final mərhələsi və “İstedadlı pensiyaçı” layihəsinin təqdimatı olub

» 30/11/2022- Avropa İttifaqı "Yerüstü minalarsız Cənubi Qafqaz" regional kampaniyasını dəstəkləyir

» 30/11/2022- QARABAĞ AZƏRBAYCANDIR!