XƏBƏRLƏR
- 24/8/2017 Əlilliyi Olan Şəxslərin Şəki turu.
Əlilliyi Olan Şəxslərin Şəki turu.
Sumqayıt şəhəri 24.08.2017-ci il
"Əlilliyi olan Şəxslərin Sosial Müdafiəsinə və İnteqrasiyasına Dəstək" İctimai Birliyi (ƏSMİD) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə "Əhalinin həssas qruplarına psixoloji dəstək və əlilliyi olan şəxslər üçün ölkəmizin milli, mədəni, tarixi abidələrinə səyahət turlarının təşkili" layihəsnin icrasını davam etdirir. Avqustun 23-də layihə çərçivəsində Şəki rayonuna ekskursiya baş tutub.
Tədbiri giriş sözü ilə açan layihə rəhbəri Səbinə Kərimova iştirakçıları salamlayaraq, layihənin məqsədindən danışdı. Layihənin məqsədi fiziki məhdudiyyəti olan şəxslərə psixoloji dəstək olaraq, onların cəmiyyətə inteqrasiya olunmasında yardımçı olmaq, cəmiyyətin bu məsələyə diqqətini çəkmək, sosial aktiv vətəndaşları bu yöndə fəaliyyətə cəlb etməkdir.
O, cümlədən əlilliyi olan şəxslərə psixaloji dəstək olaraq, asudə vaxtının səmərəliliyinin artırılması üçün milli-mədəni abidələrə ekskursiyalarını təşkil etmək, onların sosial aktiv vətəndaş kontingentinə adaptasiya olunmasına, onların sosial həyata inteqrasiyası, müxtəlif ictimai-kütləvi tədbirlərə həvəsləndirilməsini təmin etməyi nəzərdə tutur.
Sonra iştirak edən QHT rəhbərləri öz ürək sözlərini iştirak edən əlilliyi olan şəxslərə bildirdilər. Şəki rayon Yuxarı baş Dövlət Tarix –Memarlıq Qoruğunun direktoru Təranə Abdullayeva Əlilliyi olan şəxsləri Şəki rayonuna gəlmələri münasibəti ilə salamladı və dövətimizin əlilliyi olan şəxslərə göstərdiyi diqqət və qayğıdan danışdı.Sonra iştirakçıların hər birini Xan sarayına baxağa dəvət etdi. Tədbir müzkirələrlə yekunlaşdı.
Davud Rəhimli
Bu xəbər 2352 dəfə oxunub
1.jpg)
