09 Dekabr 2022-ci il

Əsas Səhifə Webmail


XƏBƏRLƏR

11px13px15px17px
21/6/2017 Kürdəmir rayonunda maarifləndirmə tədbiri


İlk maarifləndirmə tədbiri Kürdəmir rayonunda keçirildi

 

“Ailə” Sosial Araşdırmalar İctimai Birliyi Azərbaycan Respublikasının  Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Regionlarda məişət zorakılığı və erkən nikah hallarının qarşısının alınması sahəsində maarifləndirmə kampaniyalarının keçirilməsi” adlı layihə həyata keçirəcəkdir.

Layihənin məqsədi regionlarda məişət zorakılığı və erkən nikah hallarının baş vermə səbəbləri, onların fəsadları, buna qarşı mübarizə yolları, milli və beynəlxalq hüquqi aktlarda, o cümlədən, Ailə və CinSayət Məcəllələrində, “Məişət zorakılığının qarşısının alınması haqqında” Azərbaycan Respublikasının Qanununda, BMT-nin “Qadınlara qarşı zorakılığın aradan qaldırılması haqqında” Bəyannaməsində, habelə digər mühüm əhəmiyyət kəsb edən sənədlərdə təsbit olunmuş müddəalarla bağlı ictimai maarifləndirmə tədbirləri keçirilməsini təşkil etməkdən ibarətdir.

Layihənin icrası məqsədilə Kürdəmir, Ucar, Masallı və Cəlilabad rayonlarında qadınlar, kişilər, gənclər və müvafiq dövlət qurumlarının nümayəndələrinin iştirakı ilə hər rayon üzrə maarifləndirmə tədbirlərinin keçirilməsidir. İlk tədbir Kürdəmir rayonunda keçirilmişdir.

Tədbiri giriş sözü ilə açan “Ailə” Sosial Araşdırmalar  İctimai Birliyi sədri Gülnarə Şəbiyeva öz çıxışında layihənin məqsədi, vəzifələri, bu istiqamətdə görülən işlər haqqında məlumat vermiş və layihənin icrasına dəstək göstərdiyinə görə Şuraya, tədbirin təşkilinə şərait yaratdığına görə isə Kürdəmir Rayon İcra Hakimiyyətinə minnətdarlığını bildirmişdir.

Kürdəmir rayon İcra Hakimiyyətinin başçısının müavini Vəsilə Əsgərli tədbirdə mövzunun aktuallığını qeyd edərək, rayonda məişət zorakılığı və erkən nikahla mübarizə ilə bağlı görülən işlər barədə məlumat vermişdir.

Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova tədbirdə çıxış edərək ölkəmizdə  insan hüquqlarının təmini, qadın hüquqlarının müdafiəsi və gender bərabərliyi, məişət zorakılığının qarşısının alınması sahəsində görülən işlər, “Məişət zorakılığının qarşısının alınması haqqında Azərbaycan Respublikasının Qanunu”nun icrası vəziyyəti, bu sahədə dövlət qurumları tərəfindən həyata keçirilən tədbirlər haqqında məlumat vermişdir.

Çıxışlarda ailə dəyərlərinin müəyyən təsirlərə məruz qalmasına baxmayaraq, qorunub saxlandığı bildirilib və bu dəyərlərin yad təsirlərdən qorunmasının zəruriliyi vurğulanıb. Xüsusilə məişət zorakılığının qadın və uşaqlar arasında törətdiyi fəsadların əslində milli-mənəvi dəyərlərimizə yad olduğu diqqətə çatdırılıb.

Habelə çıxışlar zamanı erkən nikahın fəsadlarından bəhs edilib və qeyd olunub ki, bu cür hallar əsasən valideynlərin təsiri ilə baş verir. Çünki yetkinlik yaşına çatmayan qızların təfəkkürü kifayət qədər formalaşmadığından onlar düzgün seçim barədə qərar verə bilmirlər. Erkən nikah əslində böyük məsuliyyətsizlikdir və qızların psixologiyasına mənfi təsir göstərir. Onların ailə məsuliyyətini, ailə “yükünü” öz zərif çiyinlərində daşımağa sadəcə olaraq gücləri çatmır.

Bildirilib ki, qadın hüquqlarının müdafiəsi, onların idarəetməyə cəlb olunması ümummilli lider Heydər Əliyevin hər iki hakimiyyəti dövründə diqqət mərkəzində saxlanılıb. 2011-ci ildə isə Milli Məclis Ailə Məcəlləsinə və Cinayət Məcəlləsinə əlavə və dəyişikliklər edərək qadınlar üçün nikah yaşını 18 yaş müəyyən edən və qadını nikaha daxil olmağa məcbur etməyə görə məsuliyyət nəzərdə tutan müvafiq normalar qəbul edib. Dövlətimizin başçısının 2011-ci il 24 noyabr tarixli Fərmanına əsasən "Məişət zorakılığının qarşısının alınması haqqında” Qanunun icraçını təmin edən qurumların səlahiyyətləri müəyyən olunub və yeni normativ sənədlər qəbul edilib.

Diqqətə çatdırılıb ki, son vaxtlar insan alverinə şərait yaradan sosial problemlərin aradan qaldırılması üzrə Proqrama əsasən, qadın alverinə səbəb olan erkən nikahlar, məişət zorakılığı, işsizlik və sair kimi sosial problemlərin həlli istiqamətində konkret tədbirlər həyata keçirilib. Bundan əlavə, Nazirlər Kabinetinin 2011-ci il 19 dekabr tarixli qərarı ilə "Məişət zorakılığı ilə bağlı məlumat bankının təşkili və aparılması Qaydaları” təsdiqlənib. Məişət zorakılığı ilə bağlı məlumat bankında məlumatların toplanması və konfidensiallığı Ailə, Qadın və Uşaq Problemləri üzrə Dövlət Komitəsi tərəfindən təmin olunur.

Tədbirdə iştirakçıların sualları cavablandırılmış, mövzu üzrə fikir mübadiləsi aparılmış və bir sıra təkliflər səsləndirilmişdir.

Davud Rəhimli

 

Mətbuat xidməti

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 2660 dəfə oxunub

Oxşar xəbərlər:





Flag Counter






» 9/12/2022- Postmüharibə dövründə şəhid ailələri üzvləri və müharibə iştirakçılarından ibarət 121 min şəxsə sosial dəstək xidməti göstərilib

» 8/12/2022- Kvota üzrə 66 min iş yerinin əksəriyyəti kadrlarla təmin olunub

» 8/12/2022- I Qarabağ müharibəsi ilə bağlı əlilliyi müəyyənləşdirilən 16,7 minədək şəxsə birdəfəlik ödəmə verilib

» 8/12/2022- “YAŞAT” Fondunun yaradılmasından iki il ötür

» 8/12/2022- Şəkərli diabetdən əziyyət çəkənlərin sayı 18 faiz artıb

» 7/12/2022- Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsi ilə bağlı tədbirlər haqqında Azərbaycan Respublikası Prezidentinin Sərəncamı

» 7/12/2022- Azərbaycan Respublikası Prezidentinin Sərəncamı

» 6/12/2022- Milli Xalça Muzeyində “İstedad sərhədsizdir” adlı sərgi açılıb

» 6/12/2022- Dünya Bankının tədbirində ölkəmizdəki dayanıqlı sosial müdafiə sistemi və bu sahədə hədəflərdən bəhs olunub

» 6/12/2022- “İşsizin dostu” proqramında hazırda 7,2 min müharibə veteranı, şəhid ailəsi üzvü, əlilliyi olan şəxs işləyir

» 6/12/2022- Əlilliyi olan şəxslərin məşğulluq imkanları müzakirə olunub

» 5/12/2022- QHT-lər bu halda cərimələnəcək - QANUN LAYİHƏSİ

» 3/12/2022- Qrant müsabiqəsinin qalibləri elan edildi - SİYAHI

» 3/12/2022- QHT.az xəbər verir ki, Azərbaycan Respublikasının Gənclər Fondunun 10-21 oktyabr 2022-ci il tarixlərində keçirdiyi 16-cı qrant müsabiqəsinin qalibləri müəyyən edilib.

» 3/12/2022- 3 dekabr 2022. “İnklüziv inkişaf üçün transformativ həllər: əlçatan və ədalətli dünyanı gücləndirməkdə innovasiyaların rolu”.

» 3/12/2022- QARABAĞ AZƏRBAYCANDIR!

» 2/12/2022- “Azərbaycanda mina partlayışı qurbanlarına yardım” mövzusunda dəyirmi masa keçirilmişdir.

» 1/12/2022- Pensiyaçılar arasında keçirilən “Zəfər turniri”nin final mərhələsi və “İstedadlı pensiyaçı” layihəsinin təqdimatı olub

» 30/11/2022- Avropa İttifaqı "Yerüstü minalarsız Cənubi Qafqaz" regional kampaniyasını dəstəkləyir

» 30/11/2022- QARABAĞ AZƏRBAYCANDIR!