XƏBƏRLƏR

18/4/2017 İctimai şuranın növbəti iclası keçirilib

Əmək və Əhalinin Sosial Müdafiəsi Nazirliyi yanında İctimai şuranın növbəti iclası keçirilib

Azərbaycan Respublikası Əmək və Əhalinin Sosial Müdafiəsi Nazirliyi yanında İctimai şuranın növbəti iclası keçirilib. Mövcud reqlamentə uyğun keçirilmiş iclasda Azərbaycan Respublikası Prezidentinin 7 aprel 2016-cı il tarixli “Əhalinin özünüməşğulluğunun təmin olunması sahəsində əlavə tədbirlər haqqında” Sərəncamının icra vəziyyəti, şuranın işçi qruplarının 2017-cı il üçün fəaliyyət planı və digər  məsələlər müzakirə edilib. İclası giriş sözü ilə açan İctimai şuranın sədri Mayis Əliyev ictimai nəzarətin daha səmərəli şəkildə təmin olunması məqsədi ilə şuranın fəaliyyəti, sosial təminat sistemində  ictimai iştirakçılığın məqsədləri, prinsip və formaları barədə ətraflı məlumat verib. Sonra ölkə Prezidentinin qeyd olunan Sərəncamının icra vəziyyəti barədə İctimai şuranın Əmək və sosial hüquqların müdafiəsi və məşğulluq məsələləri üzrə işçi qrupunun üzvi Mirzə Məmməd-Vəliyev və Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Əmək bazarının təhlili və statistika şöbəsinin müdiri İsa Həsənov məruzə ilə çıxış ediblər. İclasda məruzələr ərtafında müzakirələr aparılıb. Şuranın sədr müavini, Əlil Təşkilatlatları İttifaqının sədri Davud Rəhimli, şuranın üzvlərdən “Azərbaycan “Milli Qeyri-Hökumət Təşkilatları” Forumunun prezidenti Rauf Zeyni, Azərbaycan Respublikasının İnsan Hüquqları üzrə Müvəkkili (Ombudsman) Aparatının Hüquqi maarifləndirmə sektorunun müdiri Müqalib Mahmudov, “İstedadlı Əlillər” İctimai Birliyinin sədri Cavad Qasımov, “Əlil Qadınlar” Cəmiyyətinin prezidenti Məhluqa Rəhimova, “Mina Qurbanlarının Sosial və İqtisadi Problemlərinin Həllinə Kömək” İctimai Birliyinin sədri Məmmədhəsən Həsənov, “Sağlam Yaşa” Gənclərin Maarifləndirilməsi İctimai Birliyinin icraçı-direktoru Tələt Qəribov və başqaları çıxış edərək əmək və məşğulluq, eləcə də əlilliyi olan şəxslərin özünüməşğulluğunun təmini ilə bağlı öz təklif və tövsiyələrini ifadə ediblər.  Sonra şuranın işçi qruplarının 2017-cı il üçün fəaliyyət planı müzakirə edilərək təsdiq olunub.   Davud Rəhimli

 

 

Bu xəbər 2895 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”