18 Yanvar 2020-ci il

Əsas Səhifə Webmail


XƏBƏRLƏR

11px13px15px17px
07/10/2016 Siz tək deyilsiniz! Biz sizinləyik


Azərbaycan Respublikasının Prezidenti yanında Gənclər Fondunun maliyyə dəstəyi ilə, “Siz tək deyilsiniz! Biz sizinləyik”  layihəsi həyata keçirilir

     Layihənin rəhbəri Şəhla Qarayeva həyata keçirilən layihənin məqsəd və məramı haqqında məlumat verərək, bildirdi ki, Aztəminatlı ailələrin uşaq evlərində, internatlarda yaşayan, valideynlərini itirmiş və valideyin himayəsindən məhrum olmuş uşaq və gənclərin tibbi-sosial müdafiəsinin təmin edilməsi, onların cəmiyyətə inteqrasiya olunması istiqamətində dövlət tərəfindən müəyyən tədbirlər görülsə də, mövcud problemlərin həlli üçün ictimai birliklərin, mətbuatın və fəal vətəndaşların dəstəyindən yararlanmaq dövlətimiz və cəmiyyətimiz üçün faydalıdır. Valideynlərini itirmiş və valideyn himayəsindən məhrum olmuş uşaqların  özlərini cəmiyyətdən kənar hiss etməmələri üçün onların yaşayışını diqqətdə  saxlamaqla sosial təminatını müntəzəm olaraq yaxşılaşdırmağa çalışmalıyıq. Lakin təəssüflər olsun ki, uşaq evlərində, internatlarda yaşayan doğmaları tərəfindən unudulmuş insanlarımız hələ də çoxdur.  Buna görədə, Azərbaycan Respublikasının Prezidenti yanında Gənclər Fondunun maliyyə dəstəyi ilə “Siz tək deyilsiniz! Biz sizinləyik”,  Tənha insanlara sosial və psixoloji dəstək layihəsini həyata keçirməyi qarşıya məqsəd qoymuşuq. Layihə iyul ayının 10-dan noyabr ayının 10-na qədər 4 ay müddətində həyata keçiriləcək.

 Layi­hənin əsas məqsədi uşaq evlərində, internatlarda yaşa­yan valideynlərini itirmiş və valideyn himayəsindən məhrum olmuş uşaq və gənclərin tibbi-sosial məsələləri ilə bağlı yaranmış problemlərin həllinə köməklik göstərməkdən ibarətdir. Layihə eyni zamanda maarifləndirmə missiyasına da malikdir.

 Layihədə qaldırılmış I-ci problem günümüzün ən aktual problemlərindən biri valideynlərini itirmiş və valideyn himayəsindən məhrum olmuş uşaqların promlemləridir.

Yeniyetmə və gənclərin 18 yaşı tamam ol­duq­­dan sonra aqibətləri necə olur? Onları sonrakı müddətdə nə­lər gözləyir?  Hər iki sual ictimayyəti dərindən düşündən və  çox narahat edən problemlərdən biridir.

 Yetkinlik yaşına çatıb müəssisəni tərk etmiş uşaqların yerləş­dirilməsi, mənzil və iş təminatı ilə mövcud qanunvericiliyə əsasən, rayon İcra hakimiyyətləri nəzdində fəaliyyət göstərən Yetkinlik yaşına çatmayanların işləri və hüquqlarının müdafiəsi üzrə komissiya məşğul olmalıdır.

 İnternat məktəblərini bitirən məzunların əksəriyyəti məzun olarkən öz bioloji və ya qəyyum ailələrinə qayıtsa da, təəssüflər olsun ki, bir çoxu sahibsiz və nəzarətsiz qalaraq həyatlarını küçələrdə baxımsız şəraitdə davam etdirirlər. Bu gənclərərin müvəqqəti yaşadıqları internat evlərindən çıxdıqdan sonda harada yaşamaları və işləmələri onlar üçün problemə çevrilir. Onların bir çoxu gündəlik təlabatlatlalarını ödəyib, dolanışıq üçün hətta müxtəlif cinayətlər törədirlər.

 Valideynlərini itirmiş və valideyn himayəsindən məhrum olmuş yeniyetmə və gənc qızların bəzisi isə dolanışıq üçün məcburiyyət qarşısında qalaraq çox vaxt münasib olmayan yerlərdə işləyərək yüngül, layiqli olmayan həyata yuvarlanırlar. Bir çox kimsəsiz qızlar isə aldadılaraq nigahdan kənar uşaqlar dünyaya gətirərək onları atasız böyüdür, müəyyən sosial və pisixoloji problemlər yaşayırlar.

Valideynlərini itirmiş və valideyn himayəsindən məhrum olmuş yeniyetmə və gənclər maddi imkansızlıq səbəbindən vaxtı-vaxtında tibbi müayinədən keçmədiklərindən özləri də bilmədən müxtəlif infeksion xəstəliklərə tutulurlar. Bu da gələcəkdə ailə qurduqda onların həyatında xoşagəlməz fəsadlara gətirib çıxardır. Bu insanların həm yaşayış, həm də iş yerlərinin olmaması səbəbindən əziyyət çəkərək ailə qura bilmirlər. Belə hallar isə bizim gələcək nəslin genefonduna və gənclərin milli ruhda tərbiyə olunmasına mənfi təsir göstərir.

       Layihə çərçivəsində qeyd etdiyimiz problem ürək ağrıdan, cox ciddi, aktual və milli mentalitetizmə ləkə gətirən və vətəndaşları çox narahat edən problemlərdir.

      Düşünürük ki, layihə çərçivəsində maarifləndirmə məqsədi ilə çap olunmuş, SİZ TƏK DEYİLSİNİZ BİZ SİZİNLƏYİK! kitabı valideyn­lərini itirmiş və valideyn himayəsindən məhrum olmuş uşaq və gənclərin tibbi-sosial müdafiəsi işini asanlaşdıracaq və bu sahədə görülən işlərə layiqli töhfə olacaqdır.

Ümid edərək inanırıq ki, “Siz tək deyilsiniz! Biz sizinləyik”  Tənha insanlara sosial və psixoloji dəstək layihəsi sahəsində görüləcək işlər Azərbaycan Dövlətinin Valideynlərini itirmiş və valideyn himayəsindən məhrum olmuş yeniyetmə və gənclər barəsində nəzərdə tutulmuş dövlət siyasətinə və ölkəmizdə vətəndaş cəmiyyətinin inkişafına dəstək olacaqdır.

               

                 “Siz tək deyilsiniz! Biz sizinləyik”  Tənha insanlara sosial və

                    psixoloji dəstək  layihəsinin rəhbəri Şəhla Qarayeva     

                   Email:  qarayevashehla@gmail.com                                                             

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1466 dəfə oxunub




Flag Counter






» 17/1/2020- 20 Yanvar faciəsinin 30-cu ildönümü ilə əlaqədar nazirlikdə tədbir keçirilib

» 16/1/2020- "BMT-AZƏRBAYCAN ÇƏRÇİVƏ SƏNƏDİ"NİN HAZIRLANMASI MÜZAKİRƏ EDİLİR STRATEJİ PRİORİTETLƏŞDİRMƏ SEMİNARI

» 16/1/2020- Əlilliyin təyin olunması meyyarlarında dəyişiklik olundu

» 15/1/2020- Üç təşkilat arasında anlaşma memorandumu bağlanmışdır.

» 15/1/2020- #BizBirik komandası 2020-ci ildə də öz işini davam etdirir.

» 14/1/2020- BMT-nin Dayanıqlı İnkişaf üzrə Əməkdaşlığa dair Çərçivə Sənədinin hazırlanması məsələləri müzakirə olunub

» 13/1/2020- Qeyri-formal məşğulluğa qarşı mübarizə kampaniyasına xalq artisti Tünzalə Ağayeva da qoşuldu.

» 11/1/2020- Ötən il nazirlik əlilliyi olan şəxsləri 38 mindən çox reabilitasiya vasitəsi ilə təmin edib

» 10/1/2020- ADA Universitetində Azərbaycan Milli Avtomobil Klubunun təşkilatçılığı ilə "Həssas təbəqədən olan uşaqların yollarda üzləşdikləri təhlükələr" mövzusunda dəyirmi masa keçirilib.

» 9/1/2020- Internet informasiya ehtiyatları əlilliyi olan şəxslər üçün müyəssər olacaq.

» 9/1/2020- Hansı sosial təminat növləri vətəndaşların müraciəti olmadan, elektron qaydada təyin olunur?

» 8/1/2020- Pensiya və müavinat arasında uyğunsuzluq aradan qaldırılıb

» 31/12/2019- 2020

» 30/12/2019- ​Əmək və Əhalinin Sosial Müdafiəsi nazirinin müavini Mətin Kərimli Beynəlxalq Əmək Təşkilatında yüksək vəzifəyə təyin olunub

» 28/12/2019- Azərbaycan Respublikası Milli Paralimpiya Komitəsi 2019-cu ilin yekunlarına həsr olunmuş hesabat tədbiri keçirib.

» 27/12/2019- Heydər Əliyev Fondunun “Regional İnkişaf” İctimai Birliyinin 2019-cu il üzrə elan etdiyi “Sosial layihələr” müsabiqəsinin cari il üzrə yekunu müəyyənləşib.

» 24/12/2019- Əlilliyi olan uşaqlar üçün 31 Dekabr - Dünya Azərbaycanlılarının Həmrəyliyi Günü və Yeni il bayramları münasibətilə tədbir keçirilib.

» 24/12/2019- İlham Əliyev 2 saylı DOST mərkəzinin açılışında iştirak edib

» 24/12/2019- Qarabağ müharibəsi əlillərinə, onlara bərabər tutulan şəxslərə mənzillərin və avtomobillərin təqdim olunması mərasimi keçirilib Prezident İlham Əliyev mərasimdə iştirak edib

» 24/12/2019- Prezident İlham Əliyevin “Aztəminatlı ailələrə birdəfəlik yardım göstərilməsi haqqında” Sərəncamı dövlət başçısının həmin ailələrə xüsusi qayğısının daha bir təzahürüdür