28 May 2020-ci il

Əsas Səhifə Webmail


XƏBƏRLƏR

11px13px15px17px
22/7/2016 Azərbaycan XV Yay Paralimpiya Oyunlarında


Bakı, 22 iyul, Səxavət Quliyev, AZƏRTAC

Azərbaycan XV Yay Paralimpiya Oyunlarında 24 idmançı ilə təmsil olunacaq. Millimiz “Rio-2016”ya idmanın 6 növü üzrə 41 lisenziya qazanıb. Bu, London Paralimpiadası ilə müqayisədə çoxdur. Belə ki, 2012-ci ildə Londonda təşkil olunan Paralimpiya Oyunlarında 21 idmançı 36 lisenziya qazanmışdı.

AZƏRTAC xəbər verir ki, bu sözləri iyulun 22-də Azərbaycan Milli Paralimpiya Komitəsinin (AMPK) prezidenti İlqar Rəhimov jurnalistlər üçün təşkil olunan mətbuat konfransında deyib.

XV Yay Paralimpiya Oyunlarının bayraqdarının müəyyənləşdiyini bildirən AMPK-nin prezidenti mötəbər yarışda üçrəngli bayrağımızı ikiqat Paralimpiya çempionu, “Bakı-2015” ilk Avropa Oyunlarının qalibi İlham Zəkiyevin aparacağını deyib.

İ.Rəhimov bildirib ki, Azərbaycan millisi sentyabrın 2-də Rio-de-Janeyroya yola düşəcək. Paralimpiya Oyunlarının açılış mərasimi sentyabrın 7-də, bağlanışı isə 18-də təşkil olunacaq.

Son dörd il ərzində paralimpiyaçılarımızın 161 medal qazandığını bildirən İ.Rəhimov bunların 64-nün qızıl, 57-nin gümüş, 40-nın isə bürünc olduğunu vurğulayıb. O deyib: “Hesabat dövründə iki paralimpiyaçımız dünya rekordunu yeniləyib. Bunlar nizə atan İradə Əliyeva və ağır atlet Elşən Hüseynovdur. Milli komandamızın üzvləri 61 təlim-məşq toplanışında iştirak ediblər. Bu hazırlıq proseslərindən 17-si xaricdə, 44-ü isə respublikamızda təşkil olunub”.

Bakıda və regionlarda 11 Paralimpiya festivalının keçirildiyini bildirən İ.Rəhimov bunlardan dördünün beynəlxalq statusa malik olduğunu diqqətə çatdırıb.

Ölkəmizdə idmana göstərilən dövlət qayğısından danışan AMPK prezidenti Paralimpiya hərəkatının inkişafında görülən işləri yüksək qiymətləndirib, belə layihələrin bundan sonra da davam edəcəyini vurğulayıb.

Paralimpiyaçılarımızın dördilliyin zirvə yarışına plana uyğun hazırlaşdığını bildirən İ.Rəhimov idmançılarımızın potensialından danışıb və ölkəmizin “Rio-2016”da güclü heyətlə təmsil olunacağını deyib. Qeyd edib ki, son dörd ildə Beynəlxalq Paralimpiya Komitəsi, aidiyyəti beynəlxalq qurumlar və inkişaf etmiş ölkələrin Milli Paralimpiya komitələri ilə əlaqələr genişləndirilib. Komitənin əməkdaşları 15 beynəlxalq assambleya, konfrans və seminarda iştirak ediblər. Aparılmış məqsədyönlü işlər nəticəsində Braziliya və Macarıstan Milli Paralimpiya komitələri, həmçinin Moskva Dövlət Humanitar İqtisad Universiteti ilə əməkdaşlıq haqqında müqavilələr imzalanıb.

Sonda jurnalistlərin sualları cavablandırılıb.

 

Davud Rəhimli

 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1741 dəfə oxunub

Oxşar xəbərlər:





Flag Counter






» 26/5/2020- Əlilliyi olan qadınların özünəməşğulluğuna dəstək

» 25/5/2020- Müyəssərlik barədə məlumatlandırma

» 25/5/2020- COVİD-19 koronavirusla əlaqədar əlilliyi olan şəxslər üçün təlimat. ZOOM OHCHR

» 22/5/2020- Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva bir qrup QHT rəhbəri və hüquq müdafiəçisi ilə onlayn görüş keçirib.

» 21/5/2020- Beynəlxalq Avrasiya Mətbuat Fondunun (BAMF) təşəbbüsü ilə “BMT yanında məşvərətçi status: QHT-lər üçün imkanlar və faydalar” mövzusunda vebinar müzakirələr keçirilib.

» 12/5/2020- "Jest dilində məlumatlandırma" video roliki

» 8/5/2020- İkinci Dünya müharibəsi iştirakçılarına dövlət qayğısı

» 7/5/2020- Baş Prokurorluğun və Əmək və Əhalinin Sosial Müdafiəsi Nazirliyinin Mətbuat xidmətlərinin M Ə L U M A T I

» 5/5/2020- 5 may

» 5/5/2020- Xaçmazda əlilliyi olan şəxslər üçün bərpa müəssisəsi əsaslı təmir və yenidənqurmadan sonra istifadəyə veriləcək

» 4/5/2020- Xüsusi karantin rejimi müddəti ərzində DOST Agentliyində əhaliyə göstərilən xidmətlər

» 2/5/2020- Bu ay Lənkəranda əlilliyi olan şəxslər üçün reabilitasiya müəssisəsi istifadəyə veriləcək

» 2/5/2020- Ünvanlı sosial yardım üçün müraciət zamanı qeyd edilməsi tələb olunan məlumatların sayı xeyli azaldılacaq

» 1/5/2020- Karantin müddətində əlilliyi olan şəxslərə 543 reabilitasiya vasitəsi evlərinə aparılaraq verilib

» 28/4/2020- "Jest dilində məlumatlandırma" layihəsini davam etdirir.

» 23/4/2020- Peşə hazırlığında fasilə yaranmış işsizlərə də təqaüd ödənişi davam edir

» 19/4/2020- Birdəfəlik ödəmə verilənlərin bölgələr, cins və yaş qrupları üzrə təsnifatı necədir?

» 18/4/2020- İşsiz kimi qeydiyyata alınanlardan 25 min nəfəri üçün də birdəfəlik vəsait köçürüldü

» 16/4/2020- Azərbaycan Respublikası Əlil Təşkilatları İttifaqı (ƏTİ) üzvlərinin onlayn konfransı keçirilmişdir.

» 14/4/2020- Sosial xidmət işçilərinin əməkhaqlarına əlavə müəyyən edildi