17 Fevral 2020-ci il

Əsas Səhifə Webmail


XƏBƏRLƏR

11px13px15px17px
26/12/2015 İsmayıllıda fiziki əngəlli insanların əl işlərindən ibarət sərgi keçirildi


İsmayıllıda "Əlil Sahibkarlar Təşkilatı” İctimai Birliyi, "Vətəndaşların sosial Rifahının Gücləndirilməsinə Dəstək” İctimai Birliyi və İsmayıllı rayon icra hakimiyyətinin birgə təşkilatçılığı ilə fiziki əngəlli insanların əl işlərindən ibarət sərgi və "Əlil Sahibkarlar Təşkilatı” İctimai Birliyinin rayon şöbəsinin fəaliyyətə başlaması ilə bağlı tədbir keçirilib.

"Əlil Sahibkarlar Təşkilatı” İctimai Birliyinin Mətbuat xidmətindən   verilən məlumata görə öncə İsmayıllı rayon icra hakimiyyəti başçısının birinci müavini Rövşən Ağayev, başçının müavini Sevil Əhmədova, "Əlil Sahibkarlar Təşkilatı” İctimai Birliyinin sədri Mirzə Məmmədvəliyev, "Əlil Sahibkarlar Təşkilatı” İctimai Birliyinin Sumqayıt şöbəsinin sədri Mədaxil Cavadlı, həmçinin birliyin İsmayıllı rayon təşkilatının Rahim Səmədov, "Vətəndaşların Sosial Rifahının Gücləndirilməsinə Dəstək” İctimai Birliyinin sədri Venera Əsgərova və Azərbaycan-İsrail Beynəlxalq Tibb Mərkəzinin rəhbəri, sülhməramlı səfir, Aleksander Şapiro Suliman Ümummilli lider Heydər Əliyevin abidəsini ziyarət edərək abidə önünə gül dəstələri düzüblər, ulu öndərin ruhuna ehtiramlarını bildiriblər.

Sonra iştirakçılar İsmayıllı Uşaq kitabxanasında sağlamlıq imkanları məhdud olan insanların 150-dən çox əl işlərindən təşkil olunan sərgiyə tamaşa ediblər. Sərgidə parça üzərində tikmə, xalça toxuma, ağacoyma, rəssamlıq, misgərlik, zərgərlik, və dulusçuluq nümunələri təqdim olunub. Çıxış edənlər bildiriblər ki, sərginin keçirilməsində əsas məqsəd fiziki məhdudiyyəti olan şəxslərin problemlərinin həllinə kömək göstərmək, parlaq gələcək qurmaqda onlara yardımçı olmaq, cəmiyyətin bu məsələyə diqqətini yönəltmək və sosial aktiv vətəndaşları bu fəaliyyətə cəlb etməkdən ibarətdir. Qeyd olunub ki, artıq fiziki imkanı məhdud şəxslərə əlil, yazıq kimi yox, sıradan biri kimi baxmaq lazımdır. Vurğulanıb ki, fiziki əngəlli insanların sosiallaşması onların sıravi vətəndaş olaraq cəmiyyətin bir üzvü kimi çalışmasına, sosial rifahını gücləndirilməsinə dəstək olar və bu insanlar heç kimə ələbaxım duruma düşməz.

Daha sonra tədbir kitabxananın konfrans zalında davam etdirilib.

İsmayıllı rayon icra hakimiyyəti başçısının birinci müavini Rövşən Ağayev qonaqları salamlayaraq onlara rayona göstərdikləri diqqətə görə təşəkkürünü bildirib. Başçının müavini qeyd edib ki, "Əlil Sahibkarlar Təşkilatı” İctimai Birliyinin və Azərbaycan-İsrail Beynəlxalq Tibb Mərkəzinin təşkilatçılığı ilə İsmayıllı rayonundan olan 22 nəfər fiziki əngəlli insan pulsuz tibbi müayinədən keçib.

"Əlil Sahibkarlar Təşkilatı” İctimai Birliyinin sədri Mirzə Məmmədvəliyev isə çıxışında rəhbərlik etdiyi təşkilatın fəaliyyətindən söz açıb, həyata keçirilən layihələrdən və gələcək planlardan bəhs edib. M. Məmmədvəliyev qeyd edib ki, Azərbaycan-İsrail Beynəlxalq Tibb Mərkəzinin dəstəyi ilə indiyə kimi 1000-ə yaxın fiziki əngəlli insan müayinə edilib və onların müalicələrinin təşkili üçün müvafiq addımlar atılıb. M. Məmmədvəliyev artıq İsmayıllı rayonunda rəhbəri olduğu təşkilatın yerli nümayəndəliyini fəaliyyətə başladığını tədbir iştirakçılarının diqqətinə çatdırıb. O, rayonda fiziki əngəlli insanların cəmiyyətə inteqrasiyası, sosial rifah hallarının yaxşılaşdırılması, həmçinin ehtiyacı olan insanların arabalarla təchiz edilməsi istiqamətində səy göstərəcəklərini vurğulayıb.

İncəsənət vasitəsilə özünü ifadənin həyatın çətin anlarında belə insanı rahatlaşdırdığını, özünə inamı artırdığını deyən "Vətəndaşların Sosial Rifahının Gücləndirilməsinə Dəstək” İctimai Birliyinin sədri Venera Əsgərova isə bu kimi insanların əl işlərindən ibarət sərgilərin paytaxtda da keçirilməsinin vacibliyindən söz açıb. V. Əsgərova məhdud imkanlı olan istedadlı insanların cəmiyyətə inteqrasiyası məqsədi ilə bu qəbildən olan insanların əl işlərindən ibarət sərgilərin təşkil olunmasının önəmli olduğunu söyləyib. Birlik rəhbəri bu kimi insanların fəaliyyətlərinin stimullaşdırılması istiqamətində müxtəlif layihələrin həyata keçiriləcəyini də sözlərinə əlavə edib.

Azərbaycan-İsrail Beynəlxalq Tibb Mərkəzinin rəhbəri, sülhməramlı səfir, Aleksander Şapiro Suliman isə rəhbəri olduğu mərkəzin xeyriyyəçilik fəaliyyətindən danışıb və bu tədbirlərin bundan sonra da davam etdiriləcəyini bildirib.

"Əlil Sahibkarlar Təşkilatı” İctimai Birliyinin İsmayıllı rayon şöbəsinin sədri Rahim Səmədov ona göstərilən etimadı doğruldacağını və fiziki əngəlli insanların problemlərinin həlli istiqamətində çalışacağınıtədbir iştirakçılarının nəzərinə çatdırıb.

"Əlil Sahibkarlar Təşkilatı” İctimai Birliyinin Sumqayıt şöbəsinin sədri Mədaxil Cavadlı da çıxışında gələcəkdə həyata keçiriləcək layihələrdən danışıb, İsmayıllı rayonunun tarixi abidələrindən bəhs edən müəllifi olduğu kitabları Uşaq kitabxanasına hədiyyə edib.

Eyni zamanda tədbir iştirakçılarını maraqlandıran suallar cavablandırılıb, "Əlil Sahibkarlar Təşkilatı” İctimai Birliyinin və Azərbaycan-İsrail Beynəlxalq Tibb Mərkəzinin təşkilatçılığı ilə İsmayıllı rayonundan olan 22 nəfər fiziki əngəlli insanın tibbi müayinələrini nəticələri sahiblərinə təqdim olunub.


 

 


Əlil Sahibkarlar Təşkilatı İctimai Birliyi

 

 

Şəkillər
1
2
3
4
5
6
7
8
9
 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1699 dəfə oxunub




Flag Counter






» 13/2/2020- Əlilliyi olan şəxslər üçün peşə-əmək reabilitasiya mərkəzləri şəbəkəsi genişləndiriləcək.

» 13/2/2020- 32 nəfər əlilliyi olan uşaq ailələrinə qayıdıb

» 11/2/2020- Nazirliyin rəsmi internet səhifəsində onlayn əlaqə xidməti istifadəyə verildi

» 10/2/2020- 2020-ci ildə açılacaq və inşasına başlanacaq mərkəzlər ildə əlavə 12,8 min şəxsə reabilitasiya xidməti göstərməyə imkan verəcək

» 6/2/2020- Pensiyalar 16,6 faiz artırıldı

» 31/1/2020- Əmək və Əhalinin Sosial Müdafiəsi nazirliyi yanında İctimai Şuranın növbəti toplantısı keçirilib.

» 28/1/2020- Əmək və Əhalinin Sosial Müdafiəsi Nazirliyi nə qədər şəxsə müavinət və təqaüd ödəyir?

» 27/1/2020- Ötən il 2400-ə yaxın əlilliyi olan şəxs özünüməşğulluq proqramına cəlb edilib

» 24/1/2020- Əmək və Əhalinin Sosial Müdafiəsi Nazirliyinin rəhbərliyi Salyan, Cəlilabad və Biləsuvarda 4 rayonun sakinləri ilə görüşdü

» 21/1/2020- Göndərişlərin verilməsi və əlilliyin qiymətləndirilməsi qaydalarında hansı yeniliklər edilib?

» 19/1/2020- TARİXMİZİN QANLI VƏ ŞANLI SƏHİFƏSİ

» 18/1/2020- Sosial islahatlar bu il də geniş miqyasda davam edəcək

» 17/1/2020- 20 Yanvar faciəsinin 30-cu ildönümü ilə əlaqədar nazirlikdə tədbir keçirilib

» 16/1/2020- "BMT-AZƏRBAYCAN ÇƏRÇİVƏ SƏNƏDİ"NİN HAZIRLANMASI MÜZAKİRƏ EDİLİR STRATEJİ PRİORİTETLƏŞDİRMƏ SEMİNARI

» 16/1/2020- Əlilliyin təyin olunması meyyarlarında dəyişiklik olundu

» 15/1/2020- Üç təşkilat arasında anlaşma memorandumu bağlanmışdır.

» 15/1/2020- #BizBirik komandası 2020-ci ildə də öz işini davam etdirir.

» 14/1/2020- BMT-nin Dayanıqlı İnkişaf üzrə Əməkdaşlığa dair Çərçivə Sənədinin hazırlanması məsələləri müzakirə olunub

» 13/1/2020- Qeyri-formal məşğulluğa qarşı mübarizə kampaniyasına xalq artisti Tünzalə Ağayeva da qoşuldu.

» 11/1/2020- Ötən il nazirlik əlilliyi olan şəxsləri 38 mindən çox reabilitasiya vasitəsi ilə təmin edib