16 Fevral 2020-ci il

Əsas Səhifə Webmail


XƏBƏRLƏR

11px13px15px17px
24/11/2015 Bakıda Əlilliyi olan şəxslərin IX Ümumrespublika Yaradıcılıq Sərgi-müsabiqəsi keçirilir


Ba

Bakıda Əlilliyi olan şəxslərin IX Ümumrespublika Yaradıcılıq 
Sərgi-müsabiqəsi keçirilir

Sərgidə 221 nəfər əlilliyi olan şəxsin və sağlamlıq imkanları məhdud 
uşağın 760-dan çox əl işi nümayiş olunur

Azərbaycan Respublikası Əmək və Əhalinin Sosial Müdafiəsi Nazirliyinin təşkilatçılığı ilə Bakıda Əlilliyi olan şəxslərin IX Ümumrespublika Yaradıcılıq Sərgi-müsabiqəsi öz işinə başlayıb. Sərgi-müsabiqənin açılışında hökumət və qeyri-hökumət təşkilatlarının, əlil ictimai birliklərinin və ictimaiyyətin nümayəndələri iştirak ediblər. 
Tədbirdə Azərbaycan Respublikası Baş nazirinin müavini, Yeni Azərbaycan Partiyasının sədr müavini-icra katibi Əli Əhmədov əlilliyi olan şəxslərə bütün sahələrdə diqqət və qayğı göstərilməsinin Azərbaycan dövlətinin sosial statusunun mühüm xüsusiyyətlərindən olduğunu, Prezident cənab İlham Əliyevin müvafiq fərman və sərəncamları ilə bu təbəqədən olan vətəndaşların sosial müdafiəsinin ilbəil gücləndirildiyini vurğulayıb. Ə.Əhmədov bildirib ki, dinamik inkişaf dövrünü yaşayan Azərbaycan əlilliyi olan şəxslərlə bağlı siyasətini də müasir dünyanın qabaqcıl təcrübəsi, habelə BMT-nin “Əlilliyi olan şəxslərin hüquqları haqqında” Konvensiyasında əksini tapan mütərəqqi yanaşmalar əsasında qurub. Bu gün ölkəmizdə əlilliyi olan şəxslərlə bağlı həyata keçirilən tədbirlər, eləcə də hazırkı sərgi-müsabiqə bu insanların cəmiyyətin həyatında bərabər iştirak imkanlarının, onların cəmiyyətə inteqrasiyasının daha dolğun şəkildə reallaşdırılmasına, istedadlarının aşkara çıxarılmasına və dəstəklənməsinə yönəlib.
Əmək və əhalinin sosial müdafiəsi naziri Səlim Müslümov ölkəmizdə əlilliyi olan şəxslərin etibarlı sosial müdafiəsinin təmin olunmasının Azərbaycan Prezidenti cənab İlham Əliyevin uğurlu sosial inkişaf kursunun mühüm komponentlərindən olduğunu vurğulayıb: “2004-cü ildən etibarən sosial müavinətlərin orta aylıq məbləği 2,6 dəfə, o cümlədən əlilliyə görə sosial müavinətlərin orta aylıq məbləği 8,1 dəfə, sağlamlıq imkanları məhdud uşaqlara ödənilən sosial müavinətin aylıq məbləği 7,4 dəfə artırılıb. Eyni zamanda, müharibə əlillərinə 2008-ci ildən ödənilən Prezident təqaüdlərinin məbləğinin artımı ötən dövrdə bu təbəqədən olan I qrup əlillər üçün 66,6 faiz, II qrup əlillər üçün 85,7 faiz, III qrup əlillər üçün 100 faiz təşkil edib. Bu sahəyə daim artan qayğının növbəti göstəricisi olaraq, ötən il sosial müavinət və təqaüdlərin, kompensasiyaların ödənilməsinə 2013-cü illə müqayisədə 20,8 faiz, cari ilin 9 ayında isə keçən ilin 9 ayı ilə müqayisədə 4 faiz çox vəsait sərf olunub. Təkcə 2014-cü ildə dövlət büdcəsindən sosialyönümlü xərclərə 9,9 faiz, o cümlədən sosial müdafiə və sosial təminat xərclərinə 12,6 faiz çox vəsait yönəldilməsi respublikada aparılan sosialyönümlü siyasətin ilbəil gücləndiyini göstərir”.
S.Müslümov hələ ötən əsrin 90-cı illərində Ümummilli liderimiz Heydər Əliyevin diqqət və qayğısı nəticəsində əlilliyi olan şəxslərin istedad və bacarıqlarının dəstəklənməsi üçün bu kimi respublika səviyyəli tədbirlərə başlandığını vurğulayıb: “Ümummilli liderimiz Heydər Əliyevin «Biz əlillər üçün, onların yaşaması, əmək fəaliyyətinə cəlb olunması, öz daxili imkanlarından, istedadlarından istifadə etmələri üçün daha da geniş şərait yaradacağıq» fikri dövlətimizin sosial siyasətinin mühüm prioritetlərindən biri kimi müəyyən olunub və Azərbaycan Prezidenti cənab İlham Əliyevin uğurlu sosial siyasəti digər sahələrdə olduğu kimi, bu tədbirlərin də getdikcə daha geniş vüsətlə davam etdirilməsinə imkan yaradıb”.
Bildirilib ki, hazırkı Əlilliyi olan şəxslərin IX Ümumrespublika Yaradıcılıq Sərgi-müsabiqəsinin təşkilinin həmin şəxslərin öz istedadları müqabilində ictimai-mədəni həyatda iştirak imkanlarına malik olmalarına, onların cəmiyyətə inteqrasiyasının təmin edilməsinə hesablanıb: “Biz çalışırıq ki, bu tədbirlər hər dəfə daha yüksək səviyyədə keçirilsin və ölkənin bütün bölgələri əhatə olunmaqla, yaradıcılıqla məşğul olan bütün müvafiq şəxslər bu tədbirdə təmsil olunsunlar. Sərgi-müsabiqədə 221 nəfər əlilliyi olan şəxsin və sağlamlıq imkanları məhdud 18 yaşadək uşağın rəsm, xalçaçılıq, bədii tikmə, toxuma və hörmə, dulusçuluq, keramika, ağac üzərində oyma və metal üzərində işləmə, bədii tikmə və s. növlərdə 762 əl işi nümayiş etdirilir ki, bu da əvvəlki, yəni Əlilliyi olan şəxslərin VIII Ümumrespublika Yaradıcılıq Sərgi-müsabiqəsi ilə müqayisədə müvafiq olaraq 52,4 faiz və 53 faiz çoxdur. O cümlədən bu sərgi müsabiqədə əvvəlki ilə müqayisədə 3 nəfər çox, yəni 23 nəfər sağlamlıq imkanları məhdud 18 yaşadək uşağın əl işi nümayiş olunur”. 
Sərgi-müsabiqənin Nazirliyin “2015-ci il üçün əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası Proqramı”na əsasən təşkil edildiyi də diqqətə çatdırılib. Cari ilin 9 ayında bu Proqram çərçivəsində ayrı-ayrı ildönümlər, Bilik günü ilə əlaqədar, sosial-məişət problemlərinin həllinə, müalicələrinə köməklik məqsədilə 4,5 min nəfərdən çox əlilliyi olan şəxsə birdəfəlik maddi yardım verilib, 1005 nəfər belə şəxsin istirahəti, 265 nəfərin xaricdə ixtisaslaşmış bərpa müalicəsi təşkil edilib və s. işlər görülüb. Bu dövrdə Proqram üzrə tədbirlərə ötən ilin müvafiq dövrü ilə müqayisədə 33,8 % çox vəsait ayrılıb.
Tədbirdə digər çıxış edənlər əlilliyi olan şəxslərin və sağlamlıq imkanları məhdud uşaqların istedad və qabiliyyətlərinin üzə çıxarılmasında, onların yaradıcılıq imkanlarının dəstəklənməsində mühüm rol oynayan, onlara hər şeydən öncə mühüm mənəvi stimul verən belə tədbirlərin ümumən cəmiyyət tərəfindən maraq və rəğbətlə qarşılandığını vurğulayıblar. Daha sonra tədbir iştirakçıları sərgi-müsabiqədə təqdim olunan əsərlərlə tanış olub, əlilliyi olan şəxslər və sağlamlıq imkanları məhdud uşaqların tədbirlə bağlı fikir və təəssüratlarını dinləyib, yaradıcılıq qayğılarını öyrəniblər. Əlilliyi olan şəxslər və sağlamlıq imkanları məhdud uşaqlar onların yaradıcılıq nümunələrinin cəmiyyətə təqdim olunması, yaradıcılıq imkanlarının dəstəklənməsi üçün göstərilən yüksək diqqət və qayğıya görə Azərbaycan Prezidenti cənab İlham Əliyevə minnətdarlıqlarını ifadə ediblər. Onlar belə tədbirlərin keçirilməsinin onların yaradıcılıq əzmini artırdığını, onları yeni-yeni əsərlər yaratmağa ruhlandırdığını vurğulayıblar.
Sərgi-müsabiqə noyabrın 26-dək davam edəcək. Əl işləri nümayiş olunan şəxslərdən 21 nəfəri sərgi-müsabiqənin açılışına dəvət edilib və həmin şəxslərdən ölkənin müxtəlif bölgələrindən gələnlərin və onları müşaiyət edənlərin mehmanxana, gediş-gəliş və s. xərcləri dövlət büdcəsi hesabına ödənilib. Tədbirdə nümayiş olunan əsərlərin obyektiv qiymətləndirilməsi üçün aidiyyəti qurumların nümayəndələrindən ibarət münsiflər heyəti də təşkil olunub. Tədbirin yekununda müvafiq nominasiyalar üzrə yer tutan müəlliflərə diplom və mükafatlar təqdim olunacaq. Sərgi-müsabiqənin digər iştirakçılarına, açılış mərasimində iştirak edən müəlliflərin hər birinə də maddi yardım və təşəkkürnamələr veriləcək.

 

 

Davud Rəhimli

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1461 dəfə oxunub

Oxşar xəbərlər:





Flag Counter






» 13/2/2020- Əlilliyi olan şəxslər üçün peşə-əmək reabilitasiya mərkəzləri şəbəkəsi genişləndiriləcək.

» 13/2/2020- 32 nəfər əlilliyi olan uşaq ailələrinə qayıdıb

» 11/2/2020- Nazirliyin rəsmi internet səhifəsində onlayn əlaqə xidməti istifadəyə verildi

» 10/2/2020- 2020-ci ildə açılacaq və inşasına başlanacaq mərkəzlər ildə əlavə 12,8 min şəxsə reabilitasiya xidməti göstərməyə imkan verəcək

» 6/2/2020- Pensiyalar 16,6 faiz artırıldı

» 31/1/2020- Əmək və Əhalinin Sosial Müdafiəsi nazirliyi yanında İctimai Şuranın növbəti toplantısı keçirilib.

» 28/1/2020- Əmək və Əhalinin Sosial Müdafiəsi Nazirliyi nə qədər şəxsə müavinət və təqaüd ödəyir?

» 27/1/2020- Ötən il 2400-ə yaxın əlilliyi olan şəxs özünüməşğulluq proqramına cəlb edilib

» 24/1/2020- Əmək və Əhalinin Sosial Müdafiəsi Nazirliyinin rəhbərliyi Salyan, Cəlilabad və Biləsuvarda 4 rayonun sakinləri ilə görüşdü

» 21/1/2020- Göndərişlərin verilməsi və əlilliyin qiymətləndirilməsi qaydalarında hansı yeniliklər edilib?

» 19/1/2020- TARİXMİZİN QANLI VƏ ŞANLI SƏHİFƏSİ

» 18/1/2020- Sosial islahatlar bu il də geniş miqyasda davam edəcək

» 17/1/2020- 20 Yanvar faciəsinin 30-cu ildönümü ilə əlaqədar nazirlikdə tədbir keçirilib

» 16/1/2020- "BMT-AZƏRBAYCAN ÇƏRÇİVƏ SƏNƏDİ"NİN HAZIRLANMASI MÜZAKİRƏ EDİLİR STRATEJİ PRİORİTETLƏŞDİRMƏ SEMİNARI

» 16/1/2020- Əlilliyin təyin olunması meyyarlarında dəyişiklik olundu

» 15/1/2020- Üç təşkilat arasında anlaşma memorandumu bağlanmışdır.

» 15/1/2020- #BizBirik komandası 2020-ci ildə də öz işini davam etdirir.

» 14/1/2020- BMT-nin Dayanıqlı İnkişaf üzrə Əməkdaşlığa dair Çərçivə Sənədinin hazırlanması məsələləri müzakirə olunub

» 13/1/2020- Qeyri-formal məşğulluğa qarşı mübarizə kampaniyasına xalq artisti Tünzalə Ağayeva da qoşuldu.

» 11/1/2020- Ötən il nazirlik əlilliyi olan şəxsləri 38 mindən çox reabilitasiya vasitəsi ilə təmin edib