24 May 2020-ci il

Əsas Səhifə Webmail


XƏBƏRLƏR

11px13px15px17px
20/11/2015 20 noyabr Uşaq Hüqüqlarının Müdafiəsi günüdür.


Respublika miqyaslı “Dəyirmi masa”-

“Autizmli uşaqların cəmiyyətə inteqrasiyası”
20 noyabr Uşaq Hüqüqlarının Müdafiəsi günü ərəfəsində, noyabr ayının 19 –da Azərbaycan Respublikası Təhsil Problemləri İnstitutu (ARTPİ) və “Autizm Defektoloji və Psixoloji Yardım Mərkəzi” İctimai Birliyi (ADPYM) “Autizmli uşaqların cəmiyyətə inteqrasiyası” mövzusunda respublika miqyaslı “Dəyirmi masa” keçirdi.
“Dəyirmi masa”nı giriş sözü ilə açan ARTPİ-nin direktoru, hüquq üzrə fəlsəfə doktoru Qulu Novruzov autizmin XXI əsrin qlobal problemi hesab edildiyini, dünya əhalisinin 1 faizinin, yəni 70 milyon nəfərin, Azərbaycanda isə təxminən 4000-ə yaxın uşağın autizm sindromundan əziyyət çəkdiyini söylədi. 
Tədbirdə Millət vəkilləri Qənirə Paşayeva, Hadı Rəcəbli, Fazil Mustafa autizm sindromlu uşaqların cəmiyyətə inteqrasiyasının qanunvericiliklə tənzimlənməsinin vacibliyini vurğuladılar. Tədbirin təşkilarçılarından biri olan ADPYM İB-in sədri Çiçək Qəzənfərqızı və digər iştirakçılar autizmli uşaqlar və onların valideynlərinin qarşılaşdıqları çətinliklərdən, diaqnostikanın bir cox hallarda düzgün aparılmamasından, ümumtəhsil və inklüziv təlim-tərbiyə müəssisələrinin autizmli uşaqları qəbul etməkdən cəkinmələrindən və digər bu kimi problemlərdən, həmçinin bu problemlərin həlli yollarından danışdılar. 
Ombudsman Aparatının əlilliyi olan şəxslərin hüquqları üzrə müşaviri Müqalib Mahmudov, Təhsil Nazirliyinin De-İnstitutlaşma və Uşaqların Müdafiəsi İdarəsinin şöbə müdiri Həbib Kərimov, Azərbaycan Respublikası Prezidenti yanında QHT-lərə Dövlət Dəstəyi Şurasının əməkdaşı Gülbahar Ələsgərova, ali və xüsusi təhsil müəssisələri əməkdaşları və KİV nümayəndələrinin iştirakı ilə keçirilən Dəyirmi masada autizm sindromlu uşaqların qarşılaşdıqları problemlər, onların həlli yollarının müəyyənləşdirilməsi kimi məsələlərin Qanunvericilikdə öz əksini tapması müzakirə olundu.
Tədbirdə iştirak edən “Beynəlxalq Əlillər Cəmiyyəti” İB-in sədri və “Əlillər Dünyası” qəzetinin Baş redaktoru Tahir Xudiyev nəinki autizmli uşaqların, eləcə də əlilliyi olan uşaqların da ictimai həyatda tam hüquqlu iştirakını təmin etmək üçün mövcud çətinliklərin aradan qaldırılması yollarını tapmağın vacibliyini, autizmli uşaqlar üçün ayrıca təlim-tədris mərkəzinin yaradılmasının, bu sahədə xüsusi mütəxəssislərin hazırlanmsının vacibliyini söylədi. 
Yazı çapa hazırlanarkən, Tahir Xudiyev onu da qeyd etdi ki, hər bir autizmli uşağın valideyni özü bu sahədə mütəxəssis sayıla bilər və həmin təlim-tədris mərkəzində çalışa bilərlər. Mərkəz yaradılandan sonra həmin valideynləri autizmlə bağlı təcrübə mübadiləsi üçün xarici ölkələrə də göndərmək məqsədəmüvafiq olardı. T.Xudiyev onu da xüsusi olaraq qeyd etdi ki, tədbirin təşkilatçılarından biri olan Azərbaycan Respublikası Təhsil Problemləri İnstitutu başda direktor Qulu Novruzov olmaqla hərtərəfli səriştəli, savadlı, təcrübəli, səmimi ixtisaslı kadrlardan ibarət gözəl bir kollektivə malikdir və belə bir mütəxəssilərlə autizmli, həmçinin əlilliyi olan uşaqların təhsilində olan problemlərin aradan qaldırılmasına nail olmaq olar. Lazım gəldikdə, aidiyyəti dövlət və qeyri-hökumət təşkilatları onların savadından, təcrübəsindən yararlana bilərlər.

Davud Rəhimli

İstinad: "Əlillər dünyası" qəzeti

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1658 dəfə oxunub




Flag Counter






» 22/5/2020- Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva bir qrup QHT rəhbəri və hüquq müdafiəçisi ilə onlayn görüş keçirib.

» 21/5/2020- Beynəlxalq Avrasiya Mətbuat Fondunun (BAMF) təşəbbüsü ilə “BMT yanında məşvərətçi status: QHT-lər üçün imkanlar və faydalar” mövzusunda vebinar müzakirələr keçirilib.

» 12/5/2020- "Jest dilində məlumatlandırma" video roliki

» 8/5/2020- İkinci Dünya müharibəsi iştirakçılarına dövlət qayğısı

» 7/5/2020- Baş Prokurorluğun və Əmək və Əhalinin Sosial Müdafiəsi Nazirliyinin Mətbuat xidmətlərinin M Ə L U M A T I

» 5/5/2020- 5 may

» 5/5/2020- Xaçmazda əlilliyi olan şəxslər üçün bərpa müəssisəsi əsaslı təmir və yenidənqurmadan sonra istifadəyə veriləcək

» 4/5/2020- Xüsusi karantin rejimi müddəti ərzində DOST Agentliyində əhaliyə göstərilən xidmətlər

» 2/5/2020- Bu ay Lənkəranda əlilliyi olan şəxslər üçün reabilitasiya müəssisəsi istifadəyə veriləcək

» 2/5/2020- Ünvanlı sosial yardım üçün müraciət zamanı qeyd edilməsi tələb olunan məlumatların sayı xeyli azaldılacaq

» 1/5/2020- Karantin müddətində əlilliyi olan şəxslərə 543 reabilitasiya vasitəsi evlərinə aparılaraq verilib

» 28/4/2020- "Jest dilində məlumatlandırma" layihəsini davam etdirir.

» 23/4/2020- Peşə hazırlığında fasilə yaranmış işsizlərə də təqaüd ödənişi davam edir

» 19/4/2020- Birdəfəlik ödəmə verilənlərin bölgələr, cins və yaş qrupları üzrə təsnifatı necədir?

» 18/4/2020- İşsiz kimi qeydiyyata alınanlardan 25 min nəfəri üçün də birdəfəlik vəsait köçürüldü

» 16/4/2020- Azərbaycan Respublikası Əlil Təşkilatları İttifaqı (ƏTİ) üzvlərinin onlayn konfransı keçirilmişdir.

» 14/4/2020- Sosial xidmət işçilərinin əməkhaqlarına əlavə müəyyən edildi

» 8/4/2020- "Jest dilində məlumatlandırma " layihəsi çərçivəsində eşitmə məhdudiyyətli şəxsləri Koronavirus (COVİD-19) pandemiyası ilə əlaqədar məlumatlandırma aparılacaq.

» 7/4/2020- Nazirlər Kabineti tərəfindən təsdiq edilmiş Tədbirlər Planında işsiz kimi qeydiyyata alınan şəxslərə aprel-may aylarında hər ay üçün yaşayış minimumu həcmində (190 manat) birdəfəlik ödəmə verilməsi nəzərdə tutulub.

» 7/4/2020- Ünvanlı sosial yardım alınmasında güzəşt