26 Noyabr 2020-ci il

Əsas Səhifə Webmail


XƏBƏRLƏR

11px13px15px17px
17/6/2015 “Əlillərin Cəmiyyətə İnteqrasiyası” İctimai Birliyinin (ƏCİİB) növbəti tədbiri


 Təhsil Problemləri İnstitutunda (TPİ) “Əlillərin Cəmiyyətə İnteqrasiyası” İctimai Birliyinin “Eşitmə və nitq qabiliyyəti zəif olan məktəbəqədər yaşlı uşaqların inklüziv təhsil imkanlarının artırılmasına dəstək məqsədilə təlim və seminarların həyata keçirilməsi” adlı layihəsi çərçivəsində “Zəif eşidən və ağır nitq problemli məktəbəqədər yaşlı uşaqların reabilitasiyası və inklüziv təhsilə cəlb edilməsi sahəsində mövcud problemlər və onların həlli yolları” mövzusunda seminar keçirilib.
 
qhtxeber.az-ın məlumatına görə,  Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə keçirilən seminarda institutun direktoru, hüquq üzrə fəlsəfə doktoru Qulu Novruzov son illər ölkədə təhsilin inkişafı istiqamətində görülən işlərdən danışıb. 
 
O, sağlamlıq imkanları məhdud uşaqların təhsil və tərbiyəsinin orta ümumtəhsil məktəblərində daim diqqət mərkəzində olduğunu deyib: “Xüsusi qayğıya ehtiyacı olan bu uşaqların normal vətəndaş və şəxsiyyət kimi formalaşmasında elmin, təhsilin və tərbiyənin rolu böyükdür, bu uşaqlar dövlət qayğısı ilə əhatə olunub. Bu istiqamətdə bir sıra dövlət sənədləri imzalanıb. Təhsilin keyfiyyətinin yaxşılaşdırılması üçün təhsilin idarəetmə sisteminin yenidən qurulması, bu sahədə insan resurslarının inkişaf etdirilməsi və müəllim peşəsinin nüfuzunun artırılması zəruridir”.
 
“Əlillərin Cəmiyyətə İnteqrasiyası” İctimai Birliyinin sədri Ramilə Rasimqızı seminarın əsas məqsədinin eşitmə və nitq qüsurlu uşaqların reabilitasiyası və inklüziv təhsilə cəlb edilməsi prosesinin sürətləndirilməsi, mövcud problemlərin optimal həll yolları və qabaqcıl təcrübənin öyrənilməsi olduğunu vurğulayıb. 
 
Layihənin aktuallığı və əhəmiyyətindən söz açan R. Rasimqızı rəhbərlik etdiyi qurumun gördüyü işlər, qarşıya qoyduğu məqsədlər barədə də danışıb. Ölkə üzrə statistik göstəriciləri diqqətə çatdıran qurum sədri sağlamlıq imkanları məhdudluğu müəyyənləşdirilmiş 62 mindən çox uşağın 1204 nəfərinin eşitmə qabiliyyətinin tamamilə olmadığını, 3329 nəfərdə bunun zəif olduğunu, 6152 nəfərin nitq qabiliyyətində müəyyən problemlərin mövcudluğunu bildirib. Bu qəbildən olan şəxslərin reabilitasiyası və məktəbəqədər təhsili üçün zəruri şəraitə malik müasir reabilitasiya və təhsil müəssisələrinə ehtiyac olduğu vurğulanıb.
 
Azərbaycan Respublikasının İnsan Hüquqları üzrə Müvəkkilinin əlilliyi olan şəxslərin hüquqları üzrə müşaviri Müqalib Mahmudov 18 iyun – İnsan Hüquqları Günü və Ombudsman tərəfindən elan olunmuş “İnsan hüquqları aylığı” barədə məlumat verib. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvü Gülnarə Hüseynova inklüziyanın bütün təhsil pillələrində əks olunacağı təqdirdə cəmiyyətdə maariflənmənin əhəmiyyətindən danışıb. 
 
Seminarda Almaniyanın Frankfurt Mayn Universiteti Klinikasının aparıcı mütəxəssisi, şöbə rəhbəri Murad Şıxəliyev “Ağır dərəcəli eşitmə zəifliyi olan uşaqların inklüziv təhsil imkanlarının artırılmasında koxliyar implantasiya (daxili qulağın protezləşdirilməsi) əməliyyatının rolu və əhəmiyyəti” mövzusunda təqdimatla çıxış edib. O, Azərbaycanda eşitmə ilə bağlı problemlər və onların qarşısının alınması istiqamətində görüləcək işlər, qulaq xəstəliklərinin növləri, müxtəlif yaşlarda eşitmənin dərəcəsi, eşitmə sistemləri, eşitmə cihazları, orta qulaq implantatlari, sümük keçiriciliyi ilə eşitmə cihazları, Koxlear implantasiya barədə maraqlı məlumatlar verib, iştirakçıların suallarını cavablandırıb. 
 
Sonra bu sahə üzrə mütəxəssislərin “Eşitmə zəifliyi və ağır nitq problemli məktəbəqədər yaşlı uşaqlarda inklüziv təhsil: mövcud çətinliklər, səbəbləri və həlli yolları”, “Eşitmə zəifliyi və ağır nitq problemli məktəbəqədər yaşlı uşaqlar üçün tədris proqramlarının və dərs vəsaitlərinin hazırkı vəziyyəti”, “Məktəbəqədər inklüziya: reallıqlar və perspektivləri”, “Eşitmə zəifliyi və ağır nitq problemli məktəbəqədər yaşlı uşaqların reabilitasiyasında və inklüziv təhsil imkanlarının artırılmasında müəllim-valideyn əməkdaşlığının rolu” mövzularında təqdimatları olub. 
 
Tədbirdə “Əlillərin Cəmiyyətə İnteqrasiyası” İctimai Birliyi tərəfindən bir qrup fəala diplom və təşəkkürnamələr təqdim edilib.Sonda mövzu ətrafında geniş müzakirələr aparılıb, təkliflər səsləndirilib.
 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 2477 dəfə oxunub

Oxşar xəbərlər:





Flag Counter






» 26/11/2020- Üç rayonda şəhid ailələri və Qarabağ müharibəsi əlilləri mənzil və fərdi evlərlə təmin edildi

» 25/11/2020- Azərbaycan Respublikasının Prezidenti İlham Əliyev xalqa müraciət edib.

» 25/11/2020- QARABAĞ AZƏRBAYCANDIR!

» 2411/2020- Əlilliyi olan şəxslər və sağlamlıq imkanları məhdud uşaqlar üçün açıq havada idman-əyləncə sahəsi istifadəyə verilib

» 24/11/2020- “Sosial müavinətlərin məbləğinin artırılması haqqında” Azərbaycan Respublikası Prezidentinin 2013-cü il 29 avqust tarixli 973 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı

» 24/11/2020- “Hüquqi şəxslərin dövlət qeydiyyatı və dövlət reyestri haqqında” və “Peşə təhsili haqqında” Azərbaycan Respublikasının qanunlarında dəyişiklik edilməsi barədə”

» 24/11/2020- Azərbaycan Respublikasının Vergi Məcəlləsində dəyişiklik edilməsi haqqında Azərbaycan Respublikasının Qanunu

» 24/11/2020- “Təhsil haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

» 24/11/2020- “Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

» 23/11/2020- Prezident İlham Əliyev: Qaldırdığım bayraq. Eşq olsun!

» 21/11/2020- "ORİQAMİ" ”Yol hərəkəti təhlükəsizliyi qaydalarına dair maarifləndirilməsi” layihəsinin icrasını başa çatdırmışdır.

» 20/11/2020- Azərbaycan Prezidenti İlham Əliyev xalqa müraciət edib

» 19/11/2020- Bu il 1600-dək əlilliyi olan şəxs özünüməşğulluq proqramına cəlb edilib

» 19/11/2020- Sosial Xidmətlər Agentliyinin müharibədən zərərçəkənlər üçün onlayn “Psixoloji dəstək xətti” fəaliyyətə başladı

» 19/11/2020- Respublika Veteranlar Təşkilatı “Tariximizin şanlı səhifələri” adlı layihə çərçivəsində 30 aztəminatlı və şəhid ailəsinə ərzaq yardım kuponları göndərib.

» 17/11/2020- Qazax, Kürdəmir, Quba və Lənkəranda 26 fərdi ev şəhid ailələrinə və Qarabağ müharibəsi əlillərinə verildi

» 16/11/2020- İlham Əliyev və birinci xanım Mehriban Əliyeva işğaldan azad edilmiş Füzuli və Cəbrayıl rayonlarında, o cümlədən Füzuli və Cəbrayıl şəhərlərində olublar

» 16/11/2020- İşğaldan azad edilmiş ərazilərimizdə də sosial xidmət və reabilitasiya müəssisələri yaradılacaq

» 14/11/2020- Bu gün Ümumdünya Diabet Günüdür

» 14/11/2020- İldə 7 mindən çox şəxsə reabilitasiya xidməti göstərəcək Pansionat ilin sonunadək istifadəyə veriləcək