25 Yanvar 2021-ci il

Əsas Səhifə Webmail


XƏBƏRLƏR

11px13px15px17px
2/5/2014 Əmək və Əhalinin Sosial Müdafiəsi Nazirliyində yeni Tvinninq layihəsinin təqdimatı olub


02.05.2014
 

Əmək və Əhalinin Sosial Müdafiəsi Nazirliyində yeni Tvinninq layihəsinin təqdimatı olub (VİDEO)

 

   Mayın 2-də Əmək və Əhalinin Sosial Müdafiəsi Nazirliyində Aİ-nin Avropa Qonşuluq Siyasəti çərçivəsində icra olunacaq “Əlilliyi olan şəxslər üçün tibbi-sosial reabilitasiya sisteminin inkişaf etdirilməsi istiqamətində Azərbaycan Respublikasının Əmək və Əhalinin Sosial Müdafiəsi Nazirliyinə dəstək” adlı yeni Tvinninq layihəsinin təqdimatı olub. Tədbirdə Azərbaycan Respublikasının əmək və əhalinin sosial müdafiəsi naziri Səlim Müslümov, Avropa İttifaqının Azərbaycandakı nümayəndəliyinin rəhbəri Malena Mard, Fransa Respublikasının Azərbaycandakı səfiri Paskal Mönye, Almaniya Federativ Respublikasının Azərbaycandakı səfirinin müavini Volfqanq Mössinger, beynəlxalq ekspertlər və başqaları iştirak ediblər.
   S.Müslümov Azərbaycan Prezidenti cənab İlham Əliyevin uğurlu xarici siyasət kursunun nailiyyətlərindən biri kimi, ölkəmizlə Avropa İttifaqı (Aİ) arasında əlaqələrin daim inkişaf etdiyini diqqətə çatdırıb. Nazir bildirib ki, hələ dövlət müstəqilliyinin ilk illərindən etibarən Azərbaycanda Aİ-nin TACİS layihələri icra olunmağa başlayıb. Həmin layihələr respublikada sosial müdafiə sisteminin təkmilləşdirilməsi, dövlət qurumlarına texniki yardım göstərilməsi və digər sahələrdə öz töhfələrini verib: “2004-cü ildən etibarən Aİ-nin Avropa Qonşuluq Siyasəti çərçivəsində icra olunan layihələrdən Tvinninq və TAİEX proqramlarına daha çox üstünlük verilir. Bundan öncə icra olunan Tvinninq layihəsi aktuar hesablamaların, məlumatların təhlili, proqnozlaşdırma, monitorinq, qiymətləndirmə, sosial büdcənin tərtib edilməsi və strateji planlaşdırma sahəsində Əmək və Əhalinin Sosial Müdafiəsi Nazirliyinin potensial imkanlarının artırılmasına xidmət edib. Bu gün təqdim olunan yeni Tvinninq layihəsinin məqsədi isə Azərbaycanın əlilliyi olan şəxslərlə bağlı qanunvericiliyinin qabaqcıl Avropa dövlətlərinin təcrübəsi əsasında təkmilləşdirilməsi, ölkədə tibbi-sosial reabilitasiya sisteminin inkişaf etdirilməsidir”.
   S.Müslümov bildirib ki, 2014-2016-cı illəri əhatə edən bu layihə çərçivəsində ölkəmizdə tibbi-sosial reabilitasiya sisteminin inkişafına dair strategiya sənədi və Master Plan, əlilliyi olan şəxslər üçün fərdi dəstək planları və proqramları, onların tətbiqi üçün mexanizmlər hazırlanacaq. Əlillərin sosial müdafiəsi, tibbi-sosial ekspertiza və əlillərin bərpası sahələrində çalışan işçi heyətin peşəkar bilik və bacarıqları artırılacaq: “Eyni zamanda, tibbi-sosial reabilitasiya sisteminin monitorinqi, qiymətləndirilməsi və hesabatlılıq sisteminə yenidən baxılaraq Avropa standartlarına uyğunlaşdırılması üçün təkliflər hazırlanacaq. Layihə bu işlərdə Aİ üzvləri olan Fransa və Almaniyanın müvafiq dövlət qurumları ilə qarşılıqlı əməkdaşlıq zəminində icra olunacaq. Əlilliyi olan şəxslərlə bağlı hazırlanan yeni qanunvericilik layihələrində artıq bu ölkələrdən olan ekspertlər də iştirak edirlər”. S.Müslümov yeni layihənin icrası işlərinə uğurlar arzulayıb və bu sahədə görüləcək işlərin uğurlu nəticələr verəcəyinə əminliyini ifadə edib.
   Aİ-nin Azərbaycandakı nümayəndəliyinin rəhbəri Malena Mard Azərbaycanla Aİ arasında daim inkişaf edən əməkdaşlığın inkişafından söz açaraq, yeni Tvinninq layihəsinin də Azərbaycanda aparılan islahatlara dəstək verilməsi məqsədinə yönəldiyini vurğulayıb. M.Mard layihənin icrası zamanı əldə olunacaq uğurlu təcrübənin qarşıdakı dövrdə yeni sahələr üzrə əməkdaşlıq üçün yaxşı zəmin olacağını bildirib.
Fransanın Azərbaycandakı səfiri Paskal Mönye və Almaniyanın ölkəmizdəki səfirinin müavini Volfqanq Mössinger layihə çərçivəsində ölkələrinin Azərbaycanla sosial müdafiə sahəsində əməkdaşlığından məmnunluq ifadə edərək, bu əməkdaşlığın genişlənməsi üçün müvafiq səylərin göstəriləcəyini bildiriblər.
   Əmək və Əhalinin Sosial Müdafiəsi Nazirliyinin Əlilərin sosial müdafiəsi siyasəti şöbəsinin müdiri Vüqar Həsənov Azərbaycanda əlilliyi olan şəxslərin sosial müdafiəsi sistemində aparılan islahatlar və Tvinninq layihəsi üzrə görüləcək işlər barədə məlumat verib. Beynəlxalq ekspertlər Mişel Villak və Kristian Mutye Tvinninq layihəsinin əsas istiqamətləri barədə təqdimatla çıxış ediblər. Tədbirdə əlilliyi olan şəxslərlə bağlı fəaliyyət mexanizminin mütərəqqi beynəlxalq təcrübəyə uyğunlaşdırılması sahəsində Tvinninq layihəsindən irəli gələn imkanlar və qarşıdakı dövrdə layihə üzrə fəaliyyət istiqamətləri müzakirə edilib.

SaveFrom.net

 
 
 
 
 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 2158 dəfə oxunub




Flag Counter






» 25/1/2021- Prezident İlham Əliyevdən şəhid ailələrinə və müharibə ilə əlaqədar əlilliyi olan şəxslərə daha bir qayğı

» 21/1/2021- Son bir ayda qazilərdən ehtiyacı olanlara 600-dən çox reabilitasiya vasitəsi verilib

» 20/1/2021- Milli iradəmizin zəfər çaldığı gün.

» 18/1/2021- Müharibədə xəsarət almış hərbi qulluqçuların tibbi-sosial ekspertizasına başlanır

» 18/1/2021- 2021-ci ilin hansı sosial hədəfləri var?

» 18/1/2021- “Sağlamliq Imkanlari Məhdud Uşaqlara Səyyar Sosial Reabilitasiya Xidmətinin Göstərilməsi”

» 15/1/2021- Prezident İlham Əliyev Füzuli rayonunda Füzuli-Şuşa yolunun və hava limanının təməllərini qoyub, Şuşa şəhərində səfərdə olub

» 15/1/2021- Əmək və Əhalinin Sosial Müdafiəsi Nazirliyi tərəfindən qaziyə yeni mənzilin açarları təqdim edildi

» 14/1/2021- Hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, keyfiyyətlə və mərkəzləşmiş şəkildə aparılması üçün komissiya yaradıldı

» 13/1/2021- 1, 5 və 50 manatlıq pul nişanlarının yeni formasında görmə əlilliyi olanlar nəzərə alınmışdır.

» 12/1/2021- “Azərbaycan Karlar Cəmiyyəti” İctimai Birliyinin Təşkilat Komitəsinin məlumatı

» 11/1/2021- Azərbaycan Prezidenti İlham Əliyev və Rusiya Prezidenti Vladimir Putinin ikitərəfli görüşü olub

» 11/1/2021- Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin Bəyanatı

» 12/1/2021- QARABAĞ AZƏRBAYCANDIR!

» 12/1/2021- QARABAĞ AZƏRBAYCANDIR!

» 11/1/2021- Azərbaycan Respublikasının Əmək və Əhalinin Sosial Müdafiəsi Nazirliyi yanında İctimai şuranın (yeni tərkibdə) üzvlüyünə dair keçiriləcək birgə yığıncaqla (səsvermə) bağlı ELAN

» 8/1/2021- Mahmud Səfərovun ilk dəfə jest dilində filmi.

» 8/1/2021- Azərbaycan Ağsaqqallar Şurasının yeni inzibati binasının açılışı olub

» 7/1/2021- Prezident İlham Əliyevin sədrliyi ilə 2020-ci ilin yekunlarına həsr olunmuş videoformatda müşavirə keçirilib

» 7/1/2021- Əlilliyi olan şəxslərə 35 minə yaxın reabilitasiya vasitəsi verilib