| |
Məşğulluq
haqqında» Azərbaycan Respublikası
Qanununun tətbiq edilməsi barədə»
Azərbaycan Respublikası Prezidentinin
2001-ci il 9 avqust tarixli, 549
nömrəli Fərmanının icrasının təmin
edilməsi barədə
AZƏRBAYCAN RESPUBLİKASI NAZİRLӘR
KABİNETİNİN SƏRƏNCAMI
«Məşğulluq haqqında»
Azərbaycan Respublikası Qanununun
tətbiq edilməsi barədə» Azərbaycan
Respublikası Prezidentinin 2001-ci
il 9 avqust tarixli, 549 nömrəli
Fərmanının icrasını təmin etmək
məqsədi ilə 1 ay müddətində:
1. Azərbaycan Respublikasının Ədliyyə
Nazirliyi:
qüvvədə olan qanunvericilik aktlarının
«Məşğulluq haqqında» Azərbaycan
Respublikasının Qanununa uyğunlaşdırılması
barədə təkliflərini; Nazirlər Kabinetinin
normativ hüquqi aktlarının həmin
Qanuna uyğunlaşdırılması barədə
təkliflərini; «Məşğulluq haqqında»
Azərbaycan Respublikası Qanununun
pozulmasına görə məsuliyyət növlərini
müəyyən edən qanunvericilik aktının
layihəsini Azərbaycan Respublikasının
Nazirlər Kabinetinə təqdim etsin.
2. Azərbaycan Respublikasının nazirlikləri,
dövlət komitələri və digər müvafiq
mərkəzi icra hakimiyyəti orqanları
öz normativ hüquqi aktlarının həmin
Qanuna uyğunlaşdırılmasını təmin
etsinlər.
3. Azərbaycan Respublikasının Əmək
və Əhalinin Sosial Müdafiəsi Nazirliyi
İqtisadi İnkişaf Nazirliyi və Ədliyyə
Nazirliyi ilə birlikdə həmin Qanunun
9.4-cü maddəsində nəzərdə tutulmuş
sosial müdafiəyə xüsusi ehtiyacı
olan və işə düzəlməkdə çətinlik
çəkən vətəndaşlar üçün kvota tətbiq
edilməsi qaydasının layihəsini və
kvota şamil edilməyən müəssisələrin
siyahısının layihəsini Azərbaycan
Respublikasının Nazirlər Kabinetinə
təqdim etsin.
4. Azərbaycan Respublikasının Əmək
və Əhalinin Sosial Müdafiəsi Nazirliyi,
Maliyyə Nazirliyi, İqtisadi İnkişaf
Nazirliyi və Ədliyyə Nazirliyi ilə
birlikdə:
həmin Qanunun 18.2-ci maddəsində
nəzərdə tutulmuş Dövlət Məşğulluq
Fondu haqqında Əsasnamənin layihəsini;
həmin Qanunun 18.5-ci maddəsində
nəzərdə tutulmuş fərdi qaydada sahibkarlıq
fəaliyyəti ilə məşğul olan fiziki
şəxslərin Dövlət Məşğulluq Fonduna
məcburi ayırmalarının məbləğinə
dair təkliflərini; həmin Qanunun
25.6-cı maddəsində nəzərdə tutulmuş
işsizlik müavinətinin ödənilməsi
qaydalarının layihəsini Azərbaycan
Respublikasının Nazirlər Kabinetinə
təqdim etsin.
5. Azərbaycan Respublikasının İqtisadi
İnkişaf Nazirliyi Maliyyə Nazirliyi,
Əmək və Əhalinin Sosial Müdafiəsi
Nazirliyi, Vergilər Nazirliyi, Təhsil
Nazirliyi, Ədliyyə Nazirliyi, Dövlət
Statistika Komitəsi, Gənclər, İdman
və Turizm Nazirliyi və Qaçqınların
və Məcburi Köçkünlərin İşləri üzrə
Dövlət Komitəsi ilə birlikdə həmin
Qanunun 11.3-cü maddəsində nəzərdə
tutulmuş respublika məşğulluq proqramının
layihəsini Azərbaycan Respublikasının
Nazirlər Kabinetinə təqdim etsin.
6. Azərbaycan Respublikasının İqtisadi
İnkişaf Nazirliyi Maliyyə Nazirliyi,
Əmək və Əhalinin Sosial Müdafiəsi
Nazirliyi ilə birlikdə həmin Qanunun
12.1-ci maddəsində nəzərdə tutulmuş
əhalinin məşğulluğu baxımından üstün
inkişaf etdirilən regionlar barədə
təkliflərini Azərbaycan Respublikasının
Nazirlər Kabinetinə təqdim etsin.
7. Azərbaycan Respublikasının Maliyyə
Nazirliyi Vergilər Nazirliyi, Əmək
və Əhalinin Sosial Müdafiəsi Nazirliyi,
İqtisadi İnkişaf Nazirliyi və Ədliyyə
Nazirliyi ilə birlikdə:
həmin Qanunun 12.2-ci maddəsində
nəzərdə tutulmuş üstün inkişaf etdirilən
regionlarda iş yerləri, sosial infrastruktur
obyektləri yaradan işəgötürənlərə
maliyyə yardımının göstərilməsi
və vergi güzəştlərinin verilməsinə
dair təkliflərini; həmin Qanunun
17.7-ci maddəsində nəzərdə tutulmuş
kvota ilə müəyyən olunduğundan artıq
sayda müdafiəyə xüsusi ehtiyacı
olan şəxsləri işlə təmin edən işəgötürənlərə
vergi güzəştlərinin verilməsinə
dair təkliflərini Azərbaycan Respublikasının
Nazirlər Kabinetinə təqdim etsin.
8. Azərbaycan Respublikasının Əmək
və Əhalinin Sosial Müdafiəsi Nazirliyi
Ədliyyə Nazirliyi ilə birlikdə:
həmin Qanunun 4.4-cü maddəsində
nəzərdə tutulmuş işsizlərin qeydiyyata
alınması qaydalarının layihəsini;
həmin Qanunun 15.4-cü maddəsində
nəzərdə tutulmuş əlaqələndirmə komitələrinin
səlahiyyəti və vəzifələri barədə
təkliflərini; həmin Qanunun 20.5-ci
maddəsində nəzərdə tutulmuş haqqı
ödənilən ictimai işlərin təşkili
qaydalarının layihəsini Azərbaycan
Respublikasının Nazirlər Kabinetinə
təqdim etsin.
9. Azərbaycan Respublikasının Əmək
və Əhalinin Sosial Müdafiəsi Nazirliyi
Maliyyə Nazirliyi və Ədliyyə Nazirliyi
ilə birlikdə:
həmin Qanunun 23.1.4-cü və 23.3-cü
maddələrində nəzərdə tutulmuş təqaüdün
hesablanması və ödənilməsi qaydalarının
layihəsini; həmin Qanunun 24.2-ci
və 25.6-cı maddələrində nəzərdə
tutulmuş işsizlik müavinətinin hesablanması
və ödənilməsi qaydalarının layihəsini;
həmin Qanunun 24.3-cü maddəsində
nəzərdə tutulmuş işsizlik müavinətinin
minimum məbləğinə dair təkliflərini
Azərbaycan Respublikasının Nazirlər
Kabinetinə təqdim etsin.
10. Azərbaycan Respublikasının Əmək
və Əhalinin Sosial Müdafiəsi Nazirliyi:
«Məşğulluq haqqında» Azərbaycan
Respublikası Qanunundan irəli gələn
digər məsələlərin həlli barədə təkliflərini
Azərbaycan Respublikasının Nazirlər
Kabinetinə təqdim etsin; həmin Qanunun
icrası ilə bağlı Azərbaycan Respublikasının
Nazirlər Kabinetinə məlumat versin.
11. Bu sərəncamın 1-ci və 2-ci bəndlərinin
icrasına nəzarət Azərbaycan Respublikasının
Nazirlər Kabineti İşlər İdarəsinin
hüquq şöbəsinə, 2—10-cu bəndlərinin
icrasına nəzarət iqtisadiyyat və
maliyyə-kredit siyasəti şöbəsinə
həvalə edilsin.
Azərbaycan
Respublikasının Baş naziri A. RASİZADƏ
Bakı şəhəri,
27 avqust 2001-ci il
№ 154s
|
|
