Məcburi köçkünlərin ərzaq təminatı haqqında
AZƏRBAYCAN RESPUBLİKASI PREZİDENTİNİN SƏRƏNCAMI

Bəzi beynəlxalq humanitar təşkilatların xətti ilə məcburi köçkünlərə yardımın dayandırılması nəticəsində onların ərzaq təminatında yaranmış vəziyyəti aradan qaldırmaq məqsədi ilə qərara alıram:
1. Azərbaycan Respublikasının Dövltə Neft Şirkətinə tapşırılsın ki, 57 min nəfər məcburi köçkünün ərzaq təminatını ödəmək məqsədi ilə 2001-ci ilin avqust ayından başlayaraq hər ay Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin hesabına 906 milyon manat vəsaitin köçürülməsini təmin etsin.
2. Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsi onun hesabına daxi olan vəsait hesabına hər ay zəruri ərzaq mallarının norma üzrə alınmasını və təyinatı üzrə istifadəsini təmin etsin.
3. Bu Sərəncam imzalandığı gündən qüvvəyə minir.

Azərbaycan Respublikasının Prezidenti HEYDƏR ƏLİYEV
Bakı şəhəri, 15 avqust 2001-ci il
№ 791