AZƏRBAYCAN RESPUBLİKASI NAZİRLƏR KABİNETİNİN
QƏRARLARI VƏ SƏRƏNCAMLARI
QƏRARLAR

"Pensiya hesablanması üçün respublika üzrə orta aylıq əmək haqqının məbləğinin təsdiq edilməsi haqqında"
Qərar № 108
"Pensiyaların artırılması haqqında" Azərbaycan Respublikası Prezidentinin 2003-cü il 4 avqust tarixli 909 nömrəli Fərmanının 3-cü bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:
1. "Vətəndaşların pensiya təminatı haqqında" Azərbaycan Respublikası Qanununun 89-cu maddəsinə müvafiq olaraq pensiyanın hesablanması üçün orta aylıq əmək haqqının məbləği 60 min manatdan 85 min manata qaldırılsın.
2. "Vətəndaşların pensiya təminatı haqqında" Azərbaycan Respublikası Qanununun 89-cu maddəsinə əsasən əmək haqqı barədə sənəd təqdim edə bilməyən qaçqın və məcburi köçkünlərin pensiya hesablanması üçün işləmiş olduqları iqtisadiyyat sahələri üzrə orta aylıq əmək haqqının məbləğləri təsdiq edilsin (əlavə olunur).
3. Azərbaycan Respublikasının Dövlət Sosial Müdafiə Fondu bu qərarın icrası ilə bağlı müvafiq tədbirlərin həyata keçirilməsini təmin etsin.
4. Bu qərar 2003-cü il avqustun 1-dən qüvvəyə minir.
Azərbaycan Respublikası Baş nazirinin birinci müavini
A. Rasi-zadə
Bakı şəhəri, 21 avqust 2003-cü il