Əlil Təşkilatları İttifaqı (ƏTİ) sosial sifarişlər üzrə monitorinqləri davam etdirir


Press Reliz

Bakı şəhəri.                                                                                                    17 noyabr 2018 – ci il

       

    Əlil Təşkilatları İttifaqı (ƏTİ) Əmək və Əhalinin Sosial Müdafiəsi Nazirliyinin sosial sifarişlərini həyata keçirilən layihələrin monitorinqini həyata keçirir.

    Növbəti monitorinq fəaliyyət planına uyğun olaraq Sumqayıt şəhərində Qadın Təşəbbüsü və Sosial Problemlərin həllinə Dəstək İctimai Birliyinin icra etdiyi “Məişət zorakılığından zərər çəkmiş uşaqlara yardım mərkəzinin yaradılması”,  Əlil Sahibkarlar Təşkilatı İctimai Birliyi tərəfindən icra olunan olunan “Sağlamlıq imkanları məhdud uşaqlar üçün (Sumqayıt, Balakən, İmişli, Kürdəmir şəhər və rayonları üzrə) icma əsaslı sosial reabilitasiya mərkəzlərinin fəaliyyətinin təşkili” və Azərbaycana Birgə Yardım Təşkilatı tərəfindən Xaçmaz şəhərində həyata keçirilən “Sağlamlıq imkanları məhdud uşaqlar üçün (Şəmkir, Biləsuvar, Cəlilabad, Xaçmaz, Masallı, Sabirabad, Yardımlı, Şamaxı, Ağdaş, Zaqatala, Ağstafa, Saatlı, Balakən, Göyçay, İmişli, Gədəbəy, Sumqayıt, Mingəçevir, Şirvan, Qəbələ, Kürdəmir, Samux şəhər və rayonları üzrə) icma əsaslı sosial reabilitasiya mərkəzlərinin fəaliyyətinin təşkili”  layihələri üzrə aparılmışdır.

    Xaçmaz Əlillərin Bərpa Mərkəzində aparılmış monitorinq zamanı  regionda əlilliyi olan şəxslərin reabilitasiyası sahəsində görülən işlər, xidmət səviyyəsi, əhatəlilik, texniki təminat, mütəxəsis təminatı, müyəssərlik və s. istiqamətlər araşdırılmışdır.

       Aparılmış monitorinqlər zamanı aşkarlanmış müsbət və mənfi halları, nailiyyət və çatışmazlıqları da özündə əks etdirən hesabat hazırlanaraq Nazirliyə təqdim olunacaqdır.

     Azərbaycan Respublikası Əlil Təşkilatları İttifaqı (ƏTİ) Əmək və Əhalinin Sosial Müdafiəsi Nazirliyinin sifarişi ilə sosial xidmətlər sahəsində icra edilən layihələrin müstəqil monitorinqi  və qiymətləndirilməsini aparır. Bu layihələr Bakı, Sumqayıt, Mincəçevir, Şirvan şəhərləri də daxil olmaqla Respublikanın 27 müxtəlif rayonlarını əhatə edir. 

Davud Rəhimli

 

Hörmətlə,

 

 

Əlil Təşkilatları İttifaqı (ƏTİ)

Mətbuat xidməti

 

 

 
 




Tarix:16/11/2018     www.udpo.az saytı Geri