Əlilliyi olan idmançılar Dənizkənarı Milli Parkda boççia yarışında


Sentyabrın 29-da Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Arabaçı” Əlillər Şəbəkəsi İctimai Birliyi tərəfindən həyata keçirilən “Fiziki məhdudiyyətli insanların reabilitasiyası və cəmiyyətə inteqrasiyası” layihəsi çərçivəsində Dənizkənarı Milli Parkda boccia yarışı təşkil edilib.
 
QHT.az xəbər verir ki, tədbir gənc nağaraçıların ifası ilə start götürüb.  Daha sonra çıxış edən  “Arabaçı” Əlillər Şəbəkəsi İctimai Birliyin sədri İlham Məhərrəmov qeyd edib ki,   rəhbərlik etdiyi birliyin sağlamlıq imkanı məhdud olanların özünə qapanmaması, cəmiyyətə inteqrasiyası məqsədilə təsis edildiyini və onlara dəstək olacaqlarını söyləyib. 
 
Qeyd olunub ki, ölkəmizdə 535 min fiziki məhdudiyyətli insan var, onlardan 25 mini daha ağır vəziyyətdədir.  “Arabaçı” onların bir hissəsini paralimpiya idman növü olan boccia ilə məşğul olmağa həvəsləndirib.
 
Daha sonra Azərbaycan Respublikası Əmək və Əhalinin Müdafiəsi Nazirinin müavini və Azərbaycan Respublikası Paralimpiya Komitəsinin Prezidenti İlqar Rəhimov, Azərbaycan Respublikası Ombudsman Aparatının nümayəndəsi Müqalib Mahumudov , TİKA kordinatorunun köməkçisi Mehmet ALİ Yetiş, Əlil Təşkilatlar Ittifaqının sədri Davud Rəhimli, 1saylı Sağlamlıq İmkanları Məhdud Gənclərinin Peşə reabilitasiya mərkəzinin direktoru Rəhilə Həsrətova, İstedadlı Əlillər İctimai Birliyinin sədri Cavad Qasımov, Gənclərə Yardım Fondunun vitse-prezidenti Salman Əliyev, Müşfiq ictimai birliyinin sədri Validə Abbasova çıxış etdi.
Dənizkənarı Milli Parkın Azneft dairəsinə doğru hissəsində yaşıl xalını xatırladan banderin ətrafında qələbəlik idi.
 Buraya əlil arabasında əyləşmiş idmançılarla yanaşı, onların valideynləri, qohumları, hökumət və qeyri-hökumət təşkilatlarının nümayəndələri, eləcə də gənclər və tələbələr toplaşmışdı.
Gənc rəqqasların ifa etdikləri nömrələrdən sonra yığma komanda üzvlərinin iştirakı ilə boccia yarışına start verilib. Yaşıl xalı üzərində qızğın yarış başlanıb. Əlil idmançılar göy və qırmızı topları meydanın mərkəzində qoyulmuş cekə-ağ topa doğru atırdılar. Oyun getdikcə qızışır, tamaşaçılar onları alqışlayırdılar.  Heç kim uduzmaq istəmirdi. İdmanın gözəlliyi də elə bundadır.
https://azertag.az/xeber/Alil_idmanchilar_Denizkenari_Milli_Parkda_bochchia_yarisina_chixiblar-1098161





Tarix:29/9/2017     www.udpo.az saytı Geri