ƏSAS XƏBƏRLƏR
XƏBƏRLƏR
- 6/12/2012 “Sən tək deyilsən” adlı xeyriyyə tədbiri keçirildi
Bu gün “Beynəlxalq Əlillər Günü” münasibətilə Gəncliyə Yardım Fondunda “Sən tək deyilsən” adlı xeyriyyə tədbiri keçirilib.
Bir insanı sevindirməyin nə qədər dəyərli bir əməl olduğunu hər birimiz çox yaxşı bilirik. Hələ sevindirdiyimiz insanın fiziki qüsurlu olması, özünü kifayət qədər istədiyi kimi idarə edə bilməməsi və onun digər insanlardan daha çox qayğıya ehtiyacı olması işin əhəmiyyətinin daha da böyüklüyündən xəbər verir. Davud RƏHİMLİ
- 3/12/2012 BIRLƏŞMİŞ MİLLƏTLƏR TƏŞKİLATI BAŞ KATİB 3 dekabr Beynəlxalq əlilliyi olan şəxslər günü münasİbətİ İlə MÜRACİƏT 3 dekabr 2012
Bu il keçirilən Paralimpiya Oyunları əlilliyi olan şəxslərin yüksəlmək və ruhlandırmaq üçün böyük potensiallarının olduğunu xatırlatdı. Bir qız paralimpiya çempionuna yazmışdı: “Həyatdakı çətinliklərin öhdəsindən necə gəldiyinizi, idmanda yeni qələbələr və uğurlar qazandığınızı görmək mənə güc və ilham verir.”
Əlilliyi olan şəxslərin cəmiyyətə xüsusi müsbət təsirləri var və onların iştirakına əngəl törədən maneələri aradan qaldırsaq verdikləri töhfələr daha böyük olar. Bu gün dünyada bir milyarddan çox əlilliyi olan şəxs yaşayır və bu o deməkdir ki, indi bu məsələ hər zamankından daha çox önəm daşıyır.
- 30/11/2012 “3 dekabr-beynəlxalq əlillər günü” ilə əlaqədar “Hamı üçün bərabər imkanlar - Müyəssər mühit” mövzusunda konfrans
BMT-nin “Əlilliyi olan şəxslər haqqında” Konvensiyasının qəbul etməsindən və Azərbaycan Respublikasının Konvensiyanı ratifikasiya etməsindən sonra, xüsusilə milli qanunvericiliyin təkminləşdirilməsi, əlillik sahəsində proqram və layihələrin hazırlanması, yerinə yetirilməsi, əlilliyi olan şəxslərin təşkilatlarının təmsilçiliyinin genişləndirilməsi sahəsində irəliləyişlər vardır. Lakin təəssüflə qeyd etməliyik ki, hazırda əlilliyi olan insanların cəmiyyətə inteqrasiyasına mane olan əsas amillərdən biri olan infrastrukturun uyğunlaşdırılması sahəsində vəziyyət ürəkaçan deyildir.
- 30/11/2012 Pensiya təminatı sisteminin islahatı Konsepsiyası layihəsinin hazırlanması haqqında Azərbaycan Respublikası Prezidentinin Sərəncamı
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasında vətəndaşların sosial müdafiəsi sisteminin, xüsusən də pensiya təminatı sisteminin müasir tələblərə uyğunlaşdırılması, inkişaf etmiş ölkələrin bu sahədə təcrübəsindən istifadə edilməsi məqsədi ilə qərara alıram:
Azərbaycan Respublikasının Nazirlər Kabinetinə tapşırılsın ki, pensiya təminatı sisteminin islahatı Konsepsiyasının layihəsini iki ay müddətində hazırlayıb Azərbaycan Respublikasının Prezidentinə təqdim etsin.
İlham Əliyev
Azərbaycan Respublikasının Prezidenti
Bakı şəhəri, 29 noyabr 2012-ci il.
- 29/11/2012 Əlillərin VIII Ümumrespublika Yaradıcılıq Sərgi-müsabiqəsi keçirilir
Əlilliyi olan şəxsərin istedad və bacarıqlarının aşkar olunaraq cəmiyyətə təqdim olunması, yaradıcılıq nümunələrinin təbliği və dəstəklənməsi, beləliklə, onların cəmiyyətə fəal inteqrasiyasına şərait yaradılması Əmək və Əhalinin Sosial Müdafiəsi Nazirliyinin fəaliyyətinin prioritet istiqamətlərindən biridir. Bu istiqamətdə tədbirlərin davamı kimi, «2012-ci ildə əlillərin və sağlamlıq imkanları məhdud uşaqların sosial müdafiəsi və reabilitasiyası Proqramı»na uyğun olaraq, noyabrın 29-da Bakı şəhərində Əlillərin VIII Ümumrespublika Yaradıcılıq Sərgi-müsabiqəsi öz işinə başlayıb.
- 27/11/2012 Azərbaycan Milli QHT Forumu “Əlillərin və Sağlamlıq İmkanları Məhdud Olan İnsanların Hüquqlarının Müdafiəsi və Onların Cəmiyyətə İnteqrasiyası” layihəsi
qhtxeber.az//
27 noyabr tarixində Azərbaycan Milli QHT Forumu “Əlillərin və Sağlamlıq İmkanları Məhdud Olan İnsanların Hüquqlarının Müdafiəsi və Onların Cəmiyyətə İnteqrasiyası” layihəsi çərçivəsində Binəqədi Rayon İcra Hakimiyyətində növbəti seminarını həyata keçirib.
- 19/11/2012 Yaxın vaxtlarda parlamentə əlillərlə bağlı yeni layihə sənədi təqdim olunacaq
«Əlilliyin və uşaqların sağlamlıq imkanları məhdudluğunun qarşısının alınması, əlillərin və sağlamlıq imkanları məhdud uşaqların reabilitasiyası və sosial müdafiəsi haqqında» Azərbaycan Respublikası Qanununa yeni redaktədə baxılaraq müvafiq layihə sənədi hazırlanıb. Noyabrın 19-da Əmək və Əhalinin Sosial Müdafiəsi Nazirliyində vətəndaş cəmiyyətləri ilə birlikdə həmin qanun layihəsinin müzakirəsinə həsr olunmuş dəyirmi masa keçirilib.
- 14/11/2012 14 noyabr Ümumdünya Diabet Günüdür.
PRESS-RELIZ
Əlaqələndirici şəxs : Gülşən Hüseynova Əlaqə telefonları : 498-00-71 iş, (050) 337 55 28 14 noyabr Ümumdünya Diabet Günü
World Diabetes Day 14 november
Bəşəriyyətin diqqətini şəkərli diabetlə bağlı problemlərə yönəltmək məqsədi ilə 1991-ci ildən Ümumdünya Səhiyyə Təşkilatının (ÜST) və Beynəlxalq Diabet Federasiyasının (BDF) tövsiyyələrinə görə 14 noyabr tarixi Ümumdünya Diabet Günü(ÜDG) kimi qeyd edilir. 14 noyabr diabet xəstələrinin köməyinə çatan insulini kəşf edən həkim Frederik Bantinqin ad günüdür. Dünyada 350 milyon, Azərbaycanda 163 minə yaxın bu qeyri-yolxucu xəsətlikdən əziyyət çəkən insan var. 2007-ci ildən isə 14 noyabr Birləşmiş Millətlər Təşkilatının günü elan edilərək bütün üzv dövlətlərdə xüsusi qeyd edilir. Ümumdünya Diabet Gününün emblemi olan Mavi dairə şəkərli diabet(ŞD) ətrafında hamının birləşməsini simvolizə edir. Hər il müxtəlif şüar altında keçirilən ÜDG-nün dəyişilməz amalı belə səslənir: “Diabetə qarşı mübarizədə birləşin!”. 2009-2013-cü illər üçün ÜDG-nün 5 illik kompaniyasının mövzusu: “Diabetin təlimi və qarşısının alınması”-dır.
- 13/11/2012 13 noyabr Beynəlxalq Gözdən Əlillər günüdür
13 noyabr 1745-ci ildə məşhür Fransız pedoqoqu, ğözdən əlilliyi olan şəxslər üçün məktəb və müəssisələrin əsasını qoymuş Valentin Haüynun anadan olan günüdür. Ümumdünya Səhiyyə Təşkilatının qərarına əsasən 13 noyabr Beynəlxalq gözdən əlillər günü kimi qeyd olunur.
1829-cu ildə Paris milli institunun yetirməsi Lui Brayl gözdən əlilliyi olan insanlar üçün hazırda bütün dünyada geniş yayılmış universal sistemi hazırlamışdır. 12 yaşından başlayaraq buna o, üç il vaxt sərf etmişdir.
Hazırda dünyada 124 milyon, Azərbaycanda isə 35 minə yaxın gözdən əlilliyi şəxslər vardır.
Azərbaycanda gözdən əlillərin ictimai birliyi 1929-cu ildən fəaliyyət göstərir.
- 7/11/2012 “Əmək və sosial təminat sahəsində vətəndaşların hüquqlarının həyata keçirilməsi təminatları”
qhtxeber.az.// “Sosai hüquqların araşdırılması” İctimai Birliyinin (SHAİB) “Əmək və sosial təminat sahəsində vətəndaşların hüquqlarının həyata keçirilməsi təminatları” monoqrafiyasının təqdimatı keçirilib.
Tədbirdə çıxış edən “Sosai hüqu
qların araşdırılması” İctimai Birliyinin sədri Mayis Əliyev birlik və onun fəaliyyət istiqamətləri haqqında məlumat verib.
SHAİB-in idarə heyətinin üzvü, BDU-nun Əmək və ekologiya hüquq kafedrasını müdiri Alış Qasımov “Əmək və sosial təminat sahəsində vətəndaşların hüquqlarının həyata keçirilməsi təminatları” monoqrafiyasının əsas müddəaları və praktiki əhəmiyyətindən danışıb.
Birliyin sədr müavini və həmtəsisçisi Adəm Məmmədov birliyin həyata keçirdiyi layihələr barədə tədbir iştirakçılarına ətraflı məlumat verib.
- 6/11/2012 QHT Koalisiyası üçün təlimlər başlanır
Gənclər üçün Təhsil Mərkəzi bu gündən etibarən World Vision Beynəlxalq Humanitar Təşkilatının dəstəyi ilə yeni təlim proqramına start verir.
“Əlilliyi olan şəxslərin həyatında müsbət dəyişikliklər” layihəsi çərçivəsində yaradılan QHT Koalisiyası üçün təşkil edilən təlim proqramının əsas məqsədi bu sahədə fəaliyyət göstərən təşkilatların bilik və bacarıqlarının inkişaf etdirilməsidir.
Mərkəzin ekspertləri tərəfindən keçiriləcək təlimlərdə QHT-lərə effektiv idarəçilik, layihə təkliflərinin hazırlanması, lobbiçilik, ictimai maraqların müdafiəsi və s. mövzuları tədris olunacaq.
- 23/10/2012 Azərbaycan Gözdən Əlillər cəmiyyətinin XVI qurultayı
23.10.2012-ci il tarixdə Monolit Plaza otelinin konfrans zalında Azərbaycan Gözdən Əlillər cəmiyyətinin XVI qurultayı keçirilmişdir. Qurultayda AzGəC-in sədri Səmyar Abdullayev 5 illik fəaliyyət barədə hesabat vermişdir. Bundan sonra NTK-nın hesabatı dinlənilmişdir. Hesabat ətrafında çıxışlar olmuş, təkliflər verilmişdir.
Sonra təşkilatı məsələlərə baxılmışdır. S.Abdullayev yenidən AzGƏC-in sədri, 11 nəfərdən ibarət şura, 7 nəfərdən ibarət idarə heyəti, 5 nəfərdən ibarət NTK seçilmişdir.
Təşkilatın növbəti 5 il üçün tədbirlər planı qəbul olunmuşdur.
Qurultayda hökumət, QHT və KİV nümayəndələri iştirak etmişdir.
- 20/10/2012 “Əlilliyi olan insanlar üçün bərabər imkanların yaradılmasına dair STANDART QAYDALAR”
Azərbaycan Respublikası Əlil Təşkilatları İttifaqı Azərbaycan Respublikası Əmək və Əhalinin Sosial Müdafiəsi Nazirliyini dəstəyi ilə “Əlilliyi olan insanlar üçün bərabər imkanların yaradılmasına dair STANDART QAYDALAR”-ın hazırlanması layihəsini həyata keşirir.
Bununla əlaqədar olaraq layihənin işçi qrupunun növbəti görüşü keçirilmiş, qaydaların yeni variantı bir daha müzakirə olunaraq hökumətə təqdim olunması qərara alınmışdır.
- 18/10/2012 18 0ktyabr 2003-cü il Əlil Təşkilatları İttifaqının (ƏTİ) təsis olunduğu gündür.
Azərbaycan Respublikası Əlil Təşkilatları İttifaqı (ƏTİ) 18 oktyabr 2003-cü ildə 8 əlil təşkilatının təsisçiliyi ilə yaradılmış, 16.04.2005-ci ildə Dövlət qeydiyyatına alınmışdır.
Əsas məqsəd əlil təşkilatlarının fəaliyyətinin əlaqələndirilməsi, hüquq və mənafelərinin müdafiə olunmasıdır. Bərabər hüquqlar və bərabər imkanların təmin olunmasına yardımşı olmaqdır.
Hazırda ƏTİ-də 31 təşkilat təmsil olunur. ƏTİ-nin Qazax və Qəbələ resurs mərkəzləri yaradılmışdır.
Üzv təşkilatların Respublikanın əksər rayonlarında şöbələri vardır.
Dörd təşkilat beynəlxalq təşkilatların üzvləridirlər.
Rəhbərlikdə qadınlar: 60%
Fəaliyyətimizdən məqamlar:
- 15/10/2012 "İnkişaf" koalisiyası
"Dünyaya baxış" beynəlxalq hümanitar təşkilatının dəstəyi və iştirakı ilə "Əlil Təşkilatları İttifaqı", "İrəli" ictimai birliyi "Əlilliyi olan insanların həyatında müsbət dəyişikliklər" layihəsini həyata keçirirlər.
Layihənin ümumi məramı əlilliyi olan insanlar üçün sosial və hüquqi şəraitin yaxşılaşdırılmasıdır. Bu layihə Əmək və Əhalinin Sosial Müdafiəsi Nazirliyi yanında işçi qrupu ilə işin aparılması, ictimai tədbirlərin həyata keçirilməsi, BMT-nin "Əlilliyi olan insanların hüquqları haqqında" Konvensiyadan irəli gələn hüquqi islahatların həyata keçirilməsinə tövhənin verilməsi nəzərdə tutulur. Layihədəki fəaliyyətlər iki il yarım müddətdə yerinə yetiriləcəkdir.
Layihənin şəffavlığının və uğurluluğunu təmin etmək məqsədi ilə 9 QHT-nin təmsil olunduğu "İnkişaf" koalisiyası yaradılmışdır. Tədbirlər planına uyğun olaraq koalisiya üzvləri üçün təlimlərin keçirilməsi və onlara kiçik qrantların verilməsi nəzərdə tutulmuşdur. Koalisiyanın fəaliyyətinin koordinasiya olunması Əlil Təşkilatları İttfaqına həvalə olunmuşdur. Məlumatlandırmanın artırılması məqsədi ilə koalisiyanın veb səhifəsi yaradılmaqdadır.
1.jpg)
