ƏSAS XƏBƏRLƏR
XƏBƏRLƏR
- 25/1/2013 “GÜLSAM” Əlillərin Reabilitasiyası Ictimai Birliyinin uğurları
Cəmiyyətimizlə, əlillərin ailə üzvləri ilə, əlillərin özləri ilə söhbətlər aparmaq və onları maarifləndirmək lazımdır ki, yaşından, cinsindən, millətindən, dinindən asılı olmayaraq, əlilləri cəmiyyətə qatılsınlar, aktiv olsunlar. Fiziki məhdud olduğuna görə özlərində qüsur kimi hesab edib miskin olmamalıdırar. Təhsilə, sənətə yiyələnsinlər. Əlillər öz hüquqlarını bilsinlər, çalışıb öz iradəsi naminə ehtiyaclarını mümkün qədər ödəsinlər. Özlərini idarə etməyi, mümkün qədər kiməsə ehtiyacı olmadan müstəqil yaşamağı bacarsınlar. Əlbətdə, bunun üçün biz dəstək olmalıyıq.
- 21/1/2013 Əlillərin tibbi-sosial reabilitasiyası sistemi təkmilləşdirilir
Yanvarın 21-də Əmək və Əhalinin Sosial Müdafiəsi Nazirliyinin maliyyə dəstəyi ilə «Sosial Xidmətlər Təşəbbüsü» İctimai Birliyi tərəfindn həyata keçirilən «Əlillərin tibbi-sosial reabilitasiyası sisteminin təkmilləşdirilməsi» layihəsinin təqdimatı olub. Tədbir həmin layihə çərçivəsində və Beynəlxalq Əmək Təşkilatının (BƏT) dəstəyi ilə tərtib edilmiş «Əlillərin bərpa mərkəzlərində cari vəziyyətin təhlilinə dair hesabat»ın müzakirəsinə həsr edilib.
- 20/1/2013 BİRLİK GÜNÜ, DİRİLİK GÜNÜ
İllərdən 2013, aylardan yanvar…
Daha bir il və toplam 23 il keçdi o gündən…
20 yanvar 1990… –
Bu gün sadəcə təqvimin 19-cu gününü 21-ci gününə bağlayan gün deyil, böyük hərflərlə TARİXdir!
20 yanvar bir dönəmdən başqa dönəmə keçid qapısıdır.
O qapıya yalnız 70 ilin deyil, 200 ilin ağırlığı yüklənmişdi. Və açıldı! Həm də güllələr açıldı, təbii. 70 silahdanmı, 200 silahdanmı, bilmirəm, amma açıldı güllələr.
Can aldı o güllələr: ən azı 137 can!
20 yanvar BİRLİK günüdür, DİRİLİK günüdür!
20 yanvar Sovet imperiyasının əcəl zənginin çalındığı məqamdır.
20 yanvarın bütün “müttəfiq respublikalar”ın dövlət müstəqilliyində… qan haqqı var…
20 yanvar qapısı – bəngü açılan!
O qapıdan cocuq da keçdi, yeniyetmə də, gənc də keçdi yaşlı da, qadın da keçdi, kişi də… Və şair də keçdi o qapıdan, təbii!
- 18/1/2013 Tibbi-sosial ekspertiza və reabilitasiyanın hüquqi, təşkilati və metodiki əsasları toplu halında nəşr olunub
Tibbi-sosial ekspertiza və reabilitasiyanın hüquqi, təşkilati və metodiki əsasları» adlı yeni kitab nəşr olunub.
Əmək və Əhalinin Sosial Müdafiəsi Nazirliyinin Əlillərin sosial müdafiəsi siyasəti şöbəsinin müdiri Vüqar Həsənovun və şöbənin baş məsləhətçisi Mirağa Mirqədirovun tərtib etdiyi kitabda tibbi-sosial ekspertiza və əlillərin reabilitasiyası ilə bağlı Azərbaycan Respublikasının qanunları, Nazirlər Kabinetinin qərarları, Əmək və Əhalinin Sosial Müdafiəsi Nazirliyinin qərarları, o cümlədən nazirliyin təlimati-metodiki göstərişləri, məktub və əmrləri toplu halında əksini tapıb.
Müvafiq normativ-hüquqi aktlar barədə məlumatların təqdim olunduğu kitab eyni zamanda mühüm praktik əhəmiyyət kəsb edir. Belə ki, 4 bölmədən ibarət olan topluda Tibbi-Sosial Ekspert Komissiyalarında vəRespublika Tibbi-Sosial Ekspertiza Mərkəzində (RTSEM), reabilitasiya müəssisələrində istifadə edilən sənədlərin siyahısı barədə hüquqi-praktik bilgilər verilir, həmin sənədlərin hazırlanma formaları təqdim edilir.
- 09/1/2013 Sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara sosial xidmət göstərilməsi sahəsində əlavə tədbirlər haqqında Azərbaycan Respublikası Prezidentinin Sərəncamı
Son illərdə ölkəmizin sosial-iqtisadi inkişafı sağlamlıq imkanları məhdud uşaqların və sosial təhlükəli vəziyyətdə olan yetkinlik yaşına çatmayanların sosial müdafiəsinin, o cümlədən onlara göstərilən sosial xidmətin keyfiyyətinin artmasına imkan yaratmışdır. Əhalinin bu qrupuna göstərilən sosial xidmətin yaxşılaşdırılması istiqamətində əldə olunan müsbət meyillərin davam etdirilməsi məqsədi ilə Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
- 03/1/2013 "Sosial xidmət sahəsində dövlət sifarişlərinin bələdiyyələrə, fiziki və hüquqi şəxslərə, o cümlədən qeyri-hökumət təşkilatlarına verilməsi Qaydası"nın təsdiq edilməsi barədə
"Sosial xidmət haqqında" Azərbaycan Respublikası Qanununun tətbiqi barədə" Azərbaycan Respublikası Prezidentinin 2012-ci il 14 mart tarixli 600 nömrəli Fərmanının 1.1.10-cu yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR: "Sosial xidmət sahəsində dövlət sifarişlərinin bələdiyyələrə, fiziki və hüquqi şəxslərə, o cümlədən qeyri-hökumət təşkilatlarına verilməsi Qaydası" təsdiq edilsin (əlavə olunur). Azərbaycan Respublikasının Baş naziri Artur Rasi-zadə Azərbaycan Respublikası Nazirlər Kabinetinin 2012-ci il 30 dekabr tarixli 330 nömrəli qərarı ilə təsdiq edilmişdir
Sosial xidmət sahəsində dövlət sifarişlərinin bələdiyyələrə, fiziki və hüquqi şəxslərə, o cümlədən qeyri-hökumət təşkilatlarına verilməsi
Q A Y D A S I
- 26/12/2012 İstedadlı əlillərlə bağlı yeni veb-sayt təqdim olunub
 Dekabrın 26-da Əmək və Əhalinin Sosial Müdafiəsi Nazirliyinin sifarişi ilə «Konstitusiya» Araşdırmalar Fondu tərəfindən hazırlanan «İstedadlı əlillərin cəmiyyətə inteqrasiyasına yardım göstərilməsi ilə onların yaradıcılıq imkanlarının təbliği» layihəsi çərçivəsində hazırlanan veb-saytın təqdimat mərasimi keçirilib. Tədbirdə Əmək və Əhalinin Sosial Müdafiəsi nazirinin müavini İlqar Rəhimov, nazirliyin müvafiq struktur bölmələrinin məsul şəxsləri, nazirlik yanında İctimai Şuranın üzvləri, əlil ictimai təşkilatlarının rəhbərləri və yaradıcı əlillər iştirak edib. Davud RƏHİMLİ |
- 25/12/2012 Müxtəlif bölgələrdə yeni çoxmənzilli yaşayış binaları əlil və şəhid ailələrinin istifadəsinə verilib
Dekabrın 24-də Azərbaycan Respublikasının Prezidenti İlham Əliyevin və xanımı Mehriban Əliyevanın iştirakı ilə Sumqayıt şəhərində 12 mərtəbəli 96 mənzilli yaşayış binasının ölkəmizin ərazi bütövlüyü uğrunda döyüşlərdə fiziki sağlamlıqlarını itirərək əlil olmuş vətəndaşların və şəhid ailələrinin istifadəsinə verilməsi mərasimi olub.
Eyni zamanda, həmin gün Gəncə şəhərində, Bakının Sabunçu və Suraxanı rayonlarında hər biri 9 mərtəbəli 81 mənzilli, Şəki və Şəmkir rayonlarında hər biri 4 mərtəbəli 36 mənzilli yaşayış binaları əlil və şəhid ailələrinin istifadəsinə verilib, ümumilikdə, 224 minik avtomobili müharibə əlillərinə təqdim edilib.
- 21/12/2012 (15-11) İctimai Şura növbəti iclasını keçirib
Dekabrın 21-də Əmək və Əhalinin Sosial Müdafiəsi Nazirliyi yanında İctimai Şuranın növbəti iclası keçirilib. Əmək və Əhalinin Sosial Müdafiəsi nazirinin müavini İlqar Rəhimovun sədrliyi ilə keçən iclasda nazirliyin struktur bölmələrinin və İctimai Şuraya üzv olan qeyri-hökumət təşkilatlarının rəhbərləri iştirak edib.
İclası giriş sözü ilə açan nazir müavini İlqar Rəhimov «Korrupsiyaya qarşı mübarizə üzrə Milli Fəaliyyət Planı» və «Açıq Hökumətin təşviqi üzrə Milli Fəaliyyət Planı»nda müəyyən edilmiş vəzifələrin icrası ilə bağlı Əmək və Əhalinin Sosial Müdafiəsi Nazirliyi tərəfindən Tədbirlər Planı hazırlandığını deyib. Qeyd olunub ki, İctimai Şuranın bu dəfəki iclası həmin Tədbirlər Planının ictimai dinləməsinə həsr olunub.
Həmçinin Nazirliyin İnformasiya texnologiyaları qrupunun rəhbəri Məmməd Aslanovun Nazirlik tərəfindən göstərilən təkmilləşdirilmiş elektron xidmətlər, Əlil Təşkilatları İttifaqının rəhbəri Davud Rəhimlinin «Əlilliyi olan insanlar üçün bərabər imkanların yaradılmasına dair Standart Qaydaların hazırlanması» layihəsi barədə təqdimatlarla çıxış ediblər. İclasda qeyd olunan məsələlərlə bağlı geniş müzakirələr aparılıb, təkliflər irəli sürülüb.
- 19/12/2012 Milli nternet Mükafatı - Milli Net 2012 qaliblərinin təqdimat mərasimi keçirilib. Əlil Təşkilatları İttifaqının saytı (www.udpo.az) 3-cü yerə layiq görülüb və Diplomla təltif iounub.
9 dekabr tarixdə Hilton otelində Milli İnternet Mükafatı - Milli Net 2012 qaliblərinin təqdimetmə mərasimi keçirilib.
Milli Net Təşkilat Komitəsi adından AİF- in prezidenti Osman Gündüz çıxış edərək Milli Net çərçivəsində görülmüş işlər haqqında məlumat verib.
O, 4 ay müddətində davam edən yarışmadan danışıb, müsabiqənin şəffaf və ədalətli keçirilməsi istiqamətində bütün imkanlardan istifadə edildiyini bildirib və müsabiqənin uğurla başa çatdığını bildirib. O, Müsabiqənin getdikcə təkmilləşdiyini və nüfuzunun genişləndiyini vurğulayıb.
Osman Gündüz Müsabiqəyə dəstək verən Rabitə və İnformasiya Texnologiyaları nazirliyi, Azercell, Delta Telekom , SAZZ və İnfiPro şirkətlərinə minnətdarlığını bildirib.
- 14/12/2012 ABŞ Sülh Korpusu Təşkilatı Amerikadan gəlmiş Könüllülərin GÜLSAM ƏRİB-ə (Ağsu) dəstəyi
ABŞ Sülh Korpusu Təşkilatı Amerikadan gəlmiş Könüllülərin Azərbaycan Respublikasında İngilis dilinin Tədrisi Proqramı üzrə 06 Dekabr 2012-ci ildə Avropa Otelinin Bal Zalında könüllülər arasında möhtəşəm and içmə mərasimi keçirilmişdir və həmən tədbirdə Ağsu rayonunda fəaliyyət göstərən “GÜLSAM” Əlillərin Reabilitasiyası İctimai Birliyinin rəhbəri Gülnarə Səlimova iştirak etdi. Eyni zamanda qeyd etmək istəyirik ki, Amerika könüllülərini Azərbaycan mədəniyyət və dəyərləri haqqında məlumatlandırmaq da təlimçinin üzərinə düşür. 07 Dekabır tarixində “GÜLSAM” ƏRİB-in könüllüsü xanım Sarah Wittmann Bakıdan Ağsu rayonuna könüllü dəvət aldığı təşkilat “GÜLSAM” ƏRİB ilə birlikdə müqavilələri əsasında əməkdaşlıqa davam etdirəcəklər. Xanım Sarah Wittmann “GÜLSAM” ƏRİB ilə əməkdaşlıqının səbəbi və məqsədinin açıqlanması, təlim keçəcəyi gənclər ilə tanışlıq məqsədi ilə 15 Dekabr “GÜLSAM” ƏRİB-in hüquqi ünvanında tədbir keçiriləcək və İngilis Dili Kursun açlışını elan edəçək.
- 10/12/2012 Azərbaycan Respublikasının Insan Hüquqları üzrə Müvəkkilinin (Ombudsman) fəaliyyətə başlanmasının 10 illiyi və 10 dekabr Beynəlxalq İnsan Hüquqları Günü
Azərbaycan Respublikasının Insan Hüquqları üzrə Müvəkkilinin (Ombudsman) fəaliyyətə başlanmasının 10 illiyi və 10 dekabr Beynəlxalq İnsan Hüquqları Günü münasibəti ilə Ombudsman Aparatında "Azərbaycan Respublikasında insan hüquqlarının inkişafı: nailiyyətlər və perspektivlər" mözusunda Konfrans keçirilmişdir. Konfransı giriş sözü ilə Ombudsman Xanım Elmira Süleymanova açmışdır. Ombudsmanın 10 ildə gördüyü işlər, insan hüquqları sahəsində vəziyyət, tədbir iştirakçılarının diqqətinə çatdırılmışdır.
Konfransda hökumət, QHT, Beynəlxalq təşkilatlar, səfirliklər, KİV nümayəndələri iştirak etmiş və onların çıxışları dinlənilmişdir. Yekunda Müvəkkilin ənənəvi olaraq keçirtdiyi "Hüquqlar hamı üçün" jurnalist yazıları, "Mən və hüquqlarım " mövzusunda uşaq rəsm müsabiqəsi qalibləri mükafatlandırılmışdır.
- 7/12/2012 “Əlilliyi olan şəxslərin reabilitasiyası və sosial müdafiəsi: problemlər və perspektivlər”
Azərbaycan Respublikasının
İnsan Hüquqları üzrə Müvəkkilinin (Ombudsmanın) və
BMT-nin Uşaq Fondunun (UNİSEF) ölkəmizdəki nümayəndəliyinin birgə təşkilatçılığı ilə
7 dekabr 2012-ci il tarixdə, saat 15.00-da “Əlilliyi olan şəxslərin reabilitasiyası və sosial müdafiəsi: problemlər və perspektivlər” mövzusunda Konfrans keçirilmişdir. Konfransı giriş sözü ilə Ombudsman Elmira Süleymanova və UNİCEFin Azərbaycandakı nümayəndəliyinin rəhbəri Mark Herevard açmışlar. Azərbaycan Respublikası əmək və əhalinin sosial müdafiəsi nazirliyinin şöbə müdiri Vüqar Həsənov, Azərbaycan Respublikası Dövlət Sosial Müdafiə Fondu sədrinin müavini Elman Mehdiyev, Azərbaycan Respublikası Əlil Təşkilatları İttifaqının sədri Davud Rəhimli, Uşaq Hüquqları üzrə Azərbaycan QHT Alyansı İdarə Heyətinin sədri Nazir Quliyev, UNDPİnin Azərbaycan ofisinin rəhbəri Envera Selimoviç müxtəlif mövzularda çıxış etmişlər. Hökumət, QHT və əlilliyi olan insanlar müzakirələrə qoşulmuşlar. Yekunda bütün təkliflərin ümumiləşdirilərək müvafiq orqanlara göndərilməsi qərara alımışdır.
- 6/12/2012 “Sən tək deyilsən” adlı xeyriyyə tədbiri keçirildi
Bu gün “Beynəlxalq Əlillər Günü” münasibətilə Gəncliyə Yardım Fondunda “Sən tək deyilsən” adlı xeyriyyə tədbiri keçirilib.
Bir insanı sevindirməyin nə qədər dəyərli bir əməl olduğunu hər birimiz çox yaxşı bilirik. Hələ sevindirdiyimiz insanın fiziki qüsurlu olması, özünü kifayət qədər istədiyi kimi idarə edə bilməməsi və onun digər insanlardan daha çox qayğıya ehtiyacı olması işin əhəmiyyətinin daha da böyüklüyündən xəbər verir. Davud RƏHİMLİ
1.jpg)
